Categories
ციფრული მარკეტინგი

9 მარტივი ნაბიჯი, ახალი საიტის შესამოწმებლად

9 რამ, რაც უნდა შეამოწმო შენს ახალ საიტზე

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

თუ  უკვე საფუძველი ჩაუყარე შენი ახალი საიტის დამზადებას და გაითვალისწინე  ჩვენი რჩევები ბლოგიდან – დაიწყე საიტის დამზადება 9 მარტივი ნაბიჯით  – დროა შეუდგე აქამდე განვლილი გზის შემოწმებას, თუ ჯერ არ დაგიწყია ვებ.გვერდზე მუშაობა აუცილებლად ნახე ბლოგის პირველი ნაწილი და შემდგომ მოგვიბრუნდი ახალი  და სასარგებლო რჩევებისთვის.

სტატიის სარჩევი

ახალი საიტის სტარტამდე დარჩა 9 ნაბიჯი

შენი ახალი საიტის ციფრულ სამყაროში გამგზავრების დროა, მაგრამ სტარტამდე 9 ნაბიჯი დარჩა, რადგან მისი საბოლოო ვერსია მახვილი თვალით უნდა გადამოწმდეს.  რა თქმა უნდა, აქ იგულისხმება  საიტის გვერდების კონტენტი, მაგრამ არ უნდა დაგვავიწყდეს სხვა მნიშვნელოვანი დეტალების გადამოწმებაც, როგორებიცაა  ინფორმაციის შეგროვება, დოკუმენტები, რომელთა გადმოწერაც არის შესაძლებელი, ყველანაირი მედია, იქნება ეს ვიდეო თუ სტატიკური ვიზუალი, ყველაფერი თავის ადგილზე  და დანიშნულებისამებრ უნდა ფუნქიონირებდეს.

მნიშნელოვანია რომ გაითვალისწინო – სანამ შენ  ახალი საიტის საბოლოო ვერსიას გაუშვება ფართო აუდიტორიისთვის, შექმენი სატესტო ვებ.გვერდი, რომელიც იქნება ორიგინალი რეპლიკა და არის პირად სერვერზე განთავსებული, სადაც შეგიძლია მოამზადო, დაამტკიცო კონტენტი ან შეცვალო კოდი.  სატესტო ვებ.გვერდი გაძლევს საშუალებას შეიტანო ვებ.გვერდზე ნებისმიერი ცვლილება, მსგავს, მაგრამ სატესტო გარემოში, რაც ძალიან გაგიმარტივებს საქმეს, რადგან ყოველი ცვლილების შემდეგ არ მოგიწევს იმაზე ფიქრი, რაიმე ხომ გაფუჭდა, თან ისეთი, რასაც უკან ვერ მოაბრუნებ 😊

ამ ეტაპის გავლის შემდგომ, ძალიან მარტივად, დაასიქრონიზირე კონტენტი სატესტო საიტისა და ორიგინალს შორის შერჩეული CMS-ის საშუალებით.

ახლა კი გადავიდეთ მთავარზე და ვნახოთ ის 9 ნაბიჯი, თუ როგორ უნდა მივიდეს ვებ.გვერდი თავისი თავის საუკეთესო ვერსიამდე.

pexels-brett-jordan-5045981

1. თვალი გადაავლე ახალი საიტის ტექსტებს

  • ტექსტები არ შეიცავს მექანიკურ შეცდომებს და არის გრამატიკულად გამართული
  • კომპანიის საკონტაქტო ინფორმაცია არის ხელმისაწვდომი და  ზუსტი
  • არასფეციფიკური ტექსტები, როგორიცაა lorem ipsum, ანუ უშინაარსო ტექსტი, არ არის საიტზე დარჩენილი
  • ისეთი პრემიუმ კონტენტი, როგორიცაა კვლევები, სტატიები, ebook-ები არის გრამატიკულად გამართული და უშეცდომო.

დარწმუნდი რომ ტექსტები ბრენდის შესაბამისია

 

  • ბრენდის კონსისტენტურობისთვის მნიშვნელოვანია მისი სტილი და tone-of-voice იყოს ძალიან შეთანხმებული, შესაბამისად ტექსტი უნდა პასუხობდეს ვიზუალს და პირიქით.
  • დარწმუნდი რომ ვებ.გვერდზე განთავსებული ტექსტები გამოხატავს კომპანიის მიზანსა და ღირებულებებს

2.ახალი საიტის საბოლო ვიზუალების დროა

ახალი საიტის დამზადებისას, დიზაინერმა, მთლიანი სურათის დასახნახად, შესაძლოა გამოიყენოს სატესტო ვიზუალები, რადგან მას ჯერ არ აქვს მზად ყველა დეტალი, ამიტომ მნიშვნელოვანია გადაამოწმო ასეთი ვიზუალები და  საბოლოოდ დაასტურო.

3. რამდენად თანმიმდევრულია ახალი საიტის სტრუქტურა?

  • პარაგრაფები, ჰედერები, ჩამონათვალი და სხვა ფორმატები სწორად არის აწყობილი და თანმიმდევრულად მიყვება გვერდის იდეას.
  • დარწმუნდი რომ ბრენდის ფერთა პალიტრა სწორად არის შეყვანილი, გაწერილია ლინკები და შესბაამისი ღილაკები.

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

pexels-fauxels-3184612

4. დარწმუნდი, რომ ვებ.გვერდის დიზაინი ესთეტიკურად სასიამოვნოდ აღქმადია

  • დაოპტიმიზრებულია სკრიპტები
  • დაოპტიმიზირებულია ვებ.გვერდის ვიზუალები
  • დაოპტიზირებულია ვებ.გვერდის CSS-ი

5. გადაამოწმე ყველა საჭირო უფლება და ლიცენზია

არ აქვს მნიშვნელობა ვებ.გვერდის დიზაინი/დეველოპმენტი  იყო კომპანიის შიგნით შექმნილი თუ იყო აუთსორსზე გადატანილი, შენი პასუხისმგებლობაა საბოლოოდ გადაამოწმო გაქვს თუ არა ყველაფრის ლიცენზია და ვებ.გვერდის შემადგენელი ნაწილების გამოყენების უფლება. 

pexels-shuki-harel-4463588

6. გატესტე მომხმარებლის გამოცდილება, რამდენად კარგია შენი UX-ი?

  • რამდენად შეთავსებადია საიტის გვერდები სხვდასხვა ბრაუზერთან
  • რამდენად თავსებადია საიტის გვერდები სხვდასხვა მოწყობილობის ეკრანზე
  • სტატიკური ვიზუალები, ვიდეობი და აუდიოები ვებ.გვერდზე არიან განთავსებული სწორ ადგილას, სწორ ფორმატში და მუშაობს ყველა მოწყობილობის ეკრანზე.
  • შიდა ლინკები მუშაობენ გაწერიი სქემის შესაბამისად
  • სოციალური მედიის აიქონი (სიმბოლო) ასოცირდება შესაბამის ექაუნთთან.
  • კომპანიის ლოგო გადალინკულია მთავარ გვერდთან

7. არ დაგავიწყდეს უსაფრთხოება

სად შეინახავ  პაროლებს და მნიშვნელოვან ინფორმაციას? ძალიან ბევრი ადამიანი არის  ჩართული ვებ.გვერდის შექმნის პროცესში, შესაბამისად გაითვალისწინე რომ ვებ.გვერდის გაშვების შემდგომ აუცილებელი იქნება პაროლების შეცვლა და შესაბამის პირებზე გაცემა.

pexels-pixabay-270637

8. ტექნიკური SEO-ს იმპლემენტაცია, შეცდომების გარეშე

  • დარწმუნდი რომ გვერდს აქვს უნიკალური სახელი
  • დარმწუნდი რომ გვერდს აქვს უნიკალური მეტა აღწერილობა
  • დარწმუნდი, რომ ყოველი გვერდი შენ საიტზე არის რაიმე ღირებული დანიშნულების მატარებელი და აქვს გაწერილი შესაბამისი ქივორდები

9. რა მოხდება მაშინ, თუ ერთ დღეს ჩვეულზე მეტი ადამიანი დაინტერესდება შენი პროდუქტით

ვებ.გვერდის უბრალო რედიზაინის შემთხვევაში შესაძლოა არ დაგჭირდეს სტრეს-სტესტის ჩატარება, რადგან შენ უკვე კარგად იცი ვებ.გვერდის შესაძლებლობები და გამძლეობა, მაგრამ  სრულიად ახალი საიტის დამზადებისას მნიშნელოვანია მაქსიმალურად გამოიყენო არსებული ციფრული ინსტრუმენტები, მათ შორის ისეთი, რომელიც გეხმარება გაიგო – რამდენ ტრაფიკს გაუძლებს შენი ვებ.გვერდი.

ტრაფიკის ზრდა ძირითადათ უკავშირდება რაიმე ძალიან მომხიბვლელ აქციას სოციალურ მედიაში ან სადღესასწაულო დღეებს.  ასეთ დროს წინასწარ არავინ იცის რამდენი ადამიანი ესტუმრება ერთდროულად ვებ.გვერდს, დიდი ტრაფიკის შემთხვევაში ის შეიძლება გადაიტვირთოს და არა ერთ მომხმარებელს გაუცრუოს იმედი. სწორდ ამის შესამოწმებლად შეიქმნა ტრაფიკის სიმულატორი, რომელიც ათასობით მომხმარებლის საიტის სტუმრობის სიმულაციას ქმნის და გაძლევს საშუალებას დააკვირდე მოვლენებს.

ყველა ასეთი ციფრული ინსტრუმენტი ვერ  ახერხებს რეალურ სიტუაციასთან მიახლოებას ამიტომ მნიშვნელოვანია შეარჩიო სწორი. დაეკიტხე შენს დეველოპერს ან ასეთის არ არსებობის შემთხვევაში გამოიყენე JMeter by Apache. გაითვალისწინე რომ ეს ციფრული ინსტრუმენტი საკმაოდ დიდ დექნიკურ ცოდნას მოითხოვს ამიტომ მაინც გირჩევ დაუკავშირდე ამ სფეროში ნაცნობ სპეციალისტს.

აუცილებლად წინასწარ გააფრთხილე შენი პროვაიდერი, რომ ასეთი ექსპერიმენტის ჩატარებას აპირებ, სხვა შემთხვევაში გაუგებრობაშ აღმოჩნდები, რამაც შესაძოა ცუდი შედეგი გამოიწვიოს.

ასეთი ტესტის ჩატარება მოგცემს მეტ თავდაჯერებულობას, როდესაც  რაიმე ძალიან მნიშვნელოვან კამპანიას გაუშვებს, რადგან ზუსტად გეცოდინება რისი შესაძლებლობა აქვს შენს ვებ.გვერდს და პრობლემის გაჩენის შემთხვევაში გეცოდინება მისი გამომწვევი ერთ-ერთი შესაძლო მიზეზი.

იმედი მაქვს, ეს  რჩევები გაგიმარტივებს შენი ვებ.გვერდის დასტარტვის პროცესს, შემდეგ ბლოგში კი –  9 რამ, რაც უნდა შეამოწმო ახალი საიტის გაშვების შემდგომ – გაგაცნობ 9 ნაბიჯს, რომელიც უნდა გაირო ვებ.გვერდის ციფრულ სამყაროში გაშვების შემდგომ.

თუ ხარ ანტრეპრენერი ან უბრალოდ გსურს უფრო ახლოს გაიცნო ციფრული მარკეტინგის სამყარო და ამავდროულად გაიგო როგორ ინტეგრირდება  Facebook  სარეკლამო პლათფორმა შენს საიტთან, დარეგისტრირდი ონლაინ კურსზერეკლამა, სოციალურ მედიაში და  დაიწყე სწავლის პროცესი.

დიჯიტალ მარკეტინგის უპირატესობები

დიჯიტალ მარკეტინგის უპირატესობები ციფრული მარკეტინგის ბლოგი Share on facebook Share on twitter Share on linkedin Share on whatsapp Share on email გააზიარე სტატია დაიღალე გაურკვევლობით,

წაიკითხე ვრცლად »
Categories
ციფრული მარკეტინგი

დაიწყე საიტის დამზადება 9 მარტივი ნაბიჯით

9 რამ, რაც უნდა შეამოწმო მანამ, სანამ საიტის დამზადებას შეუდგები

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

საიტის დამზადება - მოსამზადებელი პროცესები

უნდა ვაღიაროთ, რომ ახალი ვებ.გვერდი შექმნა და გაშვება ძალიან დიდ სტრესთან არის დაკავშირებული – მათთვისაც კი, ვისაც ეს გზა არაერთხელ გაუვლია.

განვილი გზის ბოლოს კი, შესაძლოა ძალიან ბევრი რამ ისე არ წავიდეს, როგორც ამას ელოდი. რა მოხდება თუ ძალიან საჭირო ფორმის გატესტვა გამოგრჩება და ამის გამო ბევრ პოტენციურ მყიდველს დაკარგავ? ან უარესი, რა მოხდება თუ ვებ.გვერდის გადამისამართების ფუნქცია არასწორად იქნება შექმნილი და შენი მომხმარებლების უმეტესობა ისეთ გვერდს მიაკვლევს, რომელიც საერთოდ არ იძებნება.

იმის მაგივრად რომ  იფიქრო გვიან, თუ – რა მოხდებოდა რომ… უმჯობესია წინასწარ შეადგინო ვებ.გვერდის შესამოწმებლად ჩამონათვალი, რომელიც ამ საქმეს შედარებით უმტკივნეულოდ გადაგატანინებს.

სტატიის სარჩევი

არ აქვს მნიშვნელობა ვებ.გვერდის შექმნას ნულიდან იწყებ, თუ უბრალოდ რედიზაინს უკეთებ, არის ნაბიჯები, რომელიბიც ორივე შემთხევაში წინასწარ უნდა დაიგეგმოს და შესრულდეს.  ბლოგში სწორედ ამ ნაბიჯებსა და შესაბამის ციფრულ ინსტრუმენტებს გაგაცნობ,  რათა შემდგომ მოარგო ისინი შენს ბიზნეს, იქნება ეს  ონალინ მაღაზია, ციფრული მარკეტინგის ონლაინ კურსი ან ნებისმიერი სხვა რამ.  

1.გაანალიზე შენი წინამორბედი ვებ.გვერდი

საიტის დამზადება იწყება წინამორბედის ანალიზით (ასეთის არსებობის შემთხევაში)

იმისთვის, რომ მიიღო სწორი გადაწყვეტილებები, მნიშვნელოვანია გაიაზრო სად იყავი აქამდე და სადამდე გსურს მისვლა. დაიწყე შენი არსებული ვებ.გვერდის ანალიზი (ასეთის არსებობის შემთხვევაში) და დაუსვი შენს თავს კითხვები:

  1. რა არის დიზაინის ან სხვა ცვლილებების მიზეზი?
  2. რას ვერ მიაღწიე არსებული ვებ.გვერდის საშუალებით?
  3. რას შეცვლის ახალი დიზაინი და სხვა ცვლილებები ორგანიზაციისთვის?

ამ კითხვებზე პასუხის გაცემა დაგეხმარება ამოიცნო გამოცდილებასთან ერთად დაგროვებული შეცდომები, რაც რამდენადმე გაზრიდს ახალი ვებ.გვერდის წარმატებას.

2. შეამოწმე ძველი ვებ.გვერდი (ასეთის არსებობის შემთხევაში) Crawler ინსტრუმენტით

ახალი საიტის დამზადება მნიშვნელოვანია სწორად დაიწყოს და რაც ყველაზე მთავარია აეწყოს დოკუმენტაციის სტრუქტურა, ამაში კი Crawler ინსტრუმენტი დაგეხმარება. ანალიზის გარეშე შეუძლებელიც კია ვებ.გვერდის დეველოპმენტის გამართვა, რადგან შენ არ გეცოდინება რა გვერდები არსებობს, რამ უნდა იარსებოს, სად უნდა გადაამისამართო მომხარებელი.

წარმოიდგინე, რომ შენ გაქვს ონლაინ მარკეტინგის კურსის ვებ.გვერდი, მას აქვს თავისი სტრუქტურა, რომელიც შედგება სხვდასხვა დოკუმენტებისა და გვერდებისგან : სარეგისტრაციო ფორმა, ბლოგი, თავად კურსი, მასალები და ა.შ

იმისთვის რომ უკვე არსებული ვებ.გვერდის სტრუქტურის, გვერდებისა და სხვა ფუნქციების შესახებ წარმოდგენა შეგვექმნას, მნიშვნელოვანია მათი ანალიზიი, რაშიც სწორედ ეს ციფრული ინსტრუმენტი დაგეხმარება.

3. რა შედეგამდე უნდა მიგიყვანოს ახალმა დიზაინმა?

ვებ.გვერდის სტრუქტურის შესწავლის და ანალიზის შემდგომ, დროა ყურადღება გადავიტანოთ დიზაინის ნაწილზე. მნიშვნელოვანია  მიხვიდე რაიმე ღირებულ დასკვნამდე, მაგალითად:

 

  1. არსებული ვებ.გვერდი არის ძალიან რთულად აღქმადი და მომხმარებლისთვის ის უფრო მარტივი უნდა გახდეს
  2. არსებული დიზაინი ძველმოდურია და მნიშვენლოვანია მისი განახლება და მეტად ტრენდულის შექმნა.
  3. არსებული ვებ.გვერდის შედეგიანობა არ არის დამაკმაყოფილებელი, ამიტომ უნდა შეიქმნას უფრო SEO-მეგობრული სტრუქტურა, უკეთესი UX_ით.

რაც არ უნდა იყოს საბოლოო დასკვნა, მთავარია ის პასუხობდეს ახალი ვებ.გვერდის მიზნებს და ითვალისწინებდეს დაშვებული შეცდომების ანალიზსს.

 

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

4. ჩამოწერე რა არის გასაკეთებელი? ვინ გააკეთებს? რამდენ ხანში?

საიტის დამზადება არის გუნდური პროცესი

ისეთი პროექტის წამოწყება, როგორიცაა ვებ.გვერდის  შექმნა, მოითხოვს ძალიან სტრუქტურირებულ დროისა და რესურსების მენეჯმენტს, ამიტომ ჩამოწერე მნიშვნელოვანი ფუნქციები და მასზე პასუხისმეგებლი პირები. ვინ შექმნის კონტენტს? რამდენი სახეობის კონტენტს? ვინ იქნება ბიზნესისთვის შესაბამის calls-to-action-ების მოფიქრების სათავეში? და ა.შ

იმის შემდეგ, რაც ყველა საჭირო ქმედება ჩამოიწერება, მნიშვნელოვანია მათზე პასუხისმგებელი პირების განსაზღვრა. ხშირად ვებ.გვერდის შემქნაზე მუშაობს არა ერთი ინდივიდი და გუნდი: მარკეტერები ქმნიან კონტენტს, დიზაინერები ირჩევენ შესაბამის ფოტოებსა და ფონტებს, ქმნიან მთლიანობის მონახაზს, ტექნიკური გუნდი ზრუნავს დეველოპმენტზე, ციფრული მარკეტერბი იკვლევენ როგორ ეხმიანება ახალი ვებ.გვერდი სოციალურ მედიასა და სხვა ციფრული მარკეტინგის ინსტრუმენტებს, რამდენად მოქნილია ის სხვა ციფრული მარკეტინგის პლათფორმებთან დაკავშირებისას.

ამის გასაკეთებლად შეგიძლია გამოიყენო DARCI_ის მოდელი, რომლის მიხედვითაც, მნიშნელოვანია განისაზღვროს: გადაწყვეტილების მიმღები, პასუხისმგებელი, საკონსულტაციო და ინფორმირებული პიროვნებები, რომლებიც დამოუკიდებლად შეძლებენ ფუნქციონირებას, ეცოდინებათ ვინ არის საბოლოო გადაწყვეტილების მიმღები, ვის უნდა მიაკითხონ საკონსულტაციოდ და ვინ იქნება ის ვინც ამ პროცესს გამართავს.

5. მოემზადე ყველაზე ცუდი სცენარისთვის - რა ხდება მაშინ, როდესაც არ ვიცით რა ხდება?

ამ კითხვის პასუხი ძალიან მარტივია, როდესაც არ ვიცით რა ხდება, მაშინ მიდის ყველაზე მძიმე პროცესები, რომელთა შედეგების გამოსწორება მომავალში ორმაგად გართულდება. შესაბამისად, მოემზადე ყველაზე ცუდი სცენარისთვის, წინასწარ განსაზღვრე რა შეიძლება მოხდეს და როგორ შეიძლება ეს პრობლემა მარტივად თუ არა რაიმე გეგმით მაინც გადაიჭრას, ეს აგარიდებს ქაოს, ზარალსა და ბევრ სხვა პრობლემას.

6. სწორად შეარჩიე შესაბამისი CMS-ი

თუ აქამდე საიტის შექმნაში გამოცდილება არ გქონია, შესაძლოა ზემოთწარმოდგენილმა ჩამონათვალმა შეგაშინოს, მაგრამ რეალურად ამას არც ისე დიდი დრო სჭირდება – განსაკუთრებით იმ შემთხვევაში თუ შენ საიტს შესაბამისი CMS-ით (Content Management System) ააწყობ.

კონტენტის მენეჯმენტის სისტემა, ხშირად გთავაზობს უკვე არსებულ შაბლონებს საიტის დიზაინის ასაწყობას, რომელიც იქნება SEO ოპტიმიზირებული და ასევე შეგეძლება ჩასწორება ნებისმიერ დროს.

შესაბამისად, თუ შენ აწყობ საიტს, CMS-ის საშუალებით შეძლებ დაზოგო ბევრი დრო და ენერგია.

სოციალური მედია კონტენტი

7. შეიმუშავე კონსისტენტური ბრენდი

გადაწყვიტე რა იქნება შენი ბრენდის მთავარი მესიჯი, როგორი კომუნიკაცია ექნება მას საკუთარ მომხმარებელთან?   ეს უზრუნველყოფს იმას, რომ ბრენდი იყოს მეტად ლეგიტიმური, სანდო და დასამახსოვრებელი.

  1. მოიფიქრე რა არის შენი ყველაზე ღირებული შეთავაზება
  2. კარგად განსაზღვრე როგორი არის ბრენდი ხედვა და მისია
  3. შეარჩიე ბრენდის იდენტობასთან შესაბამისი ფერები და ფონტები
  4. მოიფიქრე როგორ ვიზუალებს გამოიყენებ საიტის კონტენტის შესავსებად
  5. რამდენად შეესაბამემა ახალი  საიტისა და სოციალურ მედიის კონტენტი ერთმანეთს
  6. როგორია ბრენდის ციფრული მარკეტინგის სტრატეგია
საძიებო სისტემის ოპტიმიზაცია

8. ახალი საიტის დამზადება - ახალი ტექნიკური SEO-ს სტრატეგი

აუცილებლად გამოყავი დრო იმისთვის, რომ კარგად დაგეგმო SEO-ს სტრატეგია, გაითვალისწინე საიტის სტრუქტურა და რამდენად ოპტიმიზირებულია მისი შემადგენელი ნაწილები საძიებო სისტემისთვის:

  1. მოიძიე მთავარი ‘’ქივორდები’’, რომელიც შეესაბამება შენს ბიზნეს და გადაწყვიტე, რომელის რეიტინგია შენთვის ყველაზე პრიორიტეტული
  2. გაწერე კონტენტის სტრატეგია, რომელშიც გამოიყენებ ამ ‘’ქივორდებს’’
  3. გადახედე არსებულ გვერდებს და მათ სტრუქტურას. რომელი შეიძლება შეიცვალოს ან რომლის დამატება შეიძლება გახდეს საჭირო?
  4. კარგად დაათვალიერე… ხომ არ გაქვს არასაჭირო გვერდები?
  5. თუ წინა კითხვაზე პასუხი არის -კი- და გაქვს ზედმეტი გვერდები, მოიფიქრე სად გადაამისამართებ მათ ( 301 გადამისამართების გამოყენებით)

9. ახალი საიტის დამზადება - ახალი კონვერსიის სტრატეგია

როგორც კი შეიმუშავებ მთავარი გვერდის მონახაზს, დაფიქრდი იმ ქმედებებზე, რომლებსაც შენ ელი მომხმარებლისგან. როგორი იქნება მათი კონვერტაციის გზა? როგორ შეაგროვებ მათზე ინფორმაციას?

  1. რომელი შეთავაზებები შეესაბამება ფანელის სხვდასხვა ეტაპზე მყოფ მომხმარებელს?
  2. რა ფორმები არის შესაქმნელი?
  3. რამდენი Landing page-ი დაგჭირდება და რამდენი – ‘მადლობის  გვერდი’?
  4. როგორ გაზომავ კონვერსიას? შეარჩიე ტრეკინგის საშუალება
  5. რა მოყვება საიტზე კონვერსიას? (ელ.ფოსტით დაკავშირება. SMS-ით დაკავშირება და ა.შ)

იმედი მაქვს, ეს პატარა რჩევების ჩამონათვალი შეგიმსუბუქებს საიტის შექმნის პრცოესს, შემდგომ ბლოგში კი გაგაცნობ რას უნდა მიაქციო ყურადრება მანამ, სანამ საიტს საბოლოოდ გაუშვებ.

თუ ხარ ანტრეპრენერი ან უბრალოდ გსურს უფრო ახლოს გაიცნო ციფრული მარკეტინგის სამყარო და ამავდროულად გაიგო როგორ ინტეგრირდება  Facebook  სარეკლამო პლათფორმა შენს საიტთან, დარეგისტრირდი ონლაინ კურსზერეკლამა, სოციალურ მედიაში და  დაიწყე სწავლის პროცესი.

დიჯიტალ მარკეტინგის უპირატესობები

დიჯიტალ მარკეტინგის უპირატესობები ციფრული მარკეტინგის ბლოგი Share on facebook Share on twitter Share on linkedin Share on whatsapp Share on email გააზიარე სტატია დაიღალე გაურკვევლობით,

წაიკითხე ვრცლად »
Categories
მარკეტინგი ციფრული მარკეტინგი

ციფრული მარკეტერი – რა იცი ამ პროფესიაზე?

ვინ არის ციფრული მარკეტინგის მენეჯერი?

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

პროფესია - ციფრული მარკეტერი

ბოლო რამდენიმე წელში ციფრული მარკეტინგის ინდუსტრიამ უამრავ ადამიანში დიდი ინტერესი გამოიწვია და ამავდროულად, საზოგადოებაში მრავალი კითხვაც გააჩინა. გაზრდილი ინტერესი მრავალმა სხვადასხვა ფაქტორმა განაპირობა. 

 

ალბათ ყველასთვის შესამჩნევია, რომ დამსაქმებლების მხრიდან მკვეთრად გაიზარდა მოთხოვნა ციფრული მარკეტინგის მენეჯერებზე, რადგან 21-ე საუკუნეში ინტერნეტ არხებით, განსაკუთრებით კი სოციალური მედია პლატფორმებით მომხმარებლებთან კომუნიკაცია ყველაზე ეფექტური კომუნიკაციის საშუალება გახდა ფაქტობრივად ყველა ბიზნესისთვის. აღსანიშნავია ისიც, რომ გამოცდილი ციფრული მარკეტერი არც თუ ისე მარტივია საპოვნელია, დეფიციტმა კი ამ პროფესიის ადამიანების ანაზღაურების ბუნებრივი ზრდა გამოიწვია.

 

დღეს გადავწყვიტეთ, ამ პროფესიასთან დაკავშირებით ყველა შენს კითხვას პასუხი გავცეთ და განვმარტოთ, ვინ არის ციფრული მარკეტინგის მენეჯერი, რა მოვალეობები ეკისრება მას და რა არის საჭირო იმისთვის, რომ ამ პროფესიაში წარმატებას მიაღწიო. 

სტატიის სარჩევი

რას აკეთებს ციფრული მარკეტერი?

ციფრული მარკეტერი არის ადამიანი, რომელიც პასუხისმგებელია მარკეტინგული კამპანიების შემუშავებაზე, განხორციელებასა და მართვაზე, რომლებიც მიმართულია კომპანიის და მისი პროდუქტების ან / და მომსახურებების რეკლამისკენ.

 

ციფრული მარკეტინგის მენეჯერი მნიშვნელოვან როლს ასრულებს ციფრულ არხებში ბრენდის ცნობადობის ამაღლებაში და პროდუქტის გაყიდვაში, ასევე ვებგვერდების ტრაფიკის მართვასა და ზრდაში,  ახალი მომხმარებლების მოზიდვასა და მათ შესახებ საჭირო ინფორმაციის მოპოვებაში.

 

ციფრული მარკეტინგის მენეჯერი ასევე პასუხისმგებელია ახალი ციფრული ტექნოლოგიებისა და  ვებგვერდის ანალიტიკის საშუალებებების გამოყენებაზე, მარკეტინგული კამპანიების უკეთესად ოპტიმიზაციის მიზნით. მისი მიზანია ეფექტურად გამოიყენოს სხვადასხვა ციფრული პლატფორმა, როგორებიცაა ელექტრონული ფოსტა, სოციალური მედია, საძიებო სისტემა და ა.შ.

რა უნდა ისწავლო, თუ გინდა, რომ ციფრული მარკეტერი გახდე?

ციფრული მარკეტინგი ერთ-ერთი ის მიმართულებაა, რომლის სასწავლად უნივერსიტეტში ჩაბარება და დიპლომის აღება სავალდებულო სულაც არ არის. დღეს, ამ და სხვა უამრავ დარგში განათლების მიღება სრულიად დამოუკიდებლად, მინიმალური დანახარჯებით შეგიძლია ონლაინ კურსებისა და სხვადასხვა წინგის საშუალებით.

 

თუმცა, რა თქმა უნდა, აქაც, ისევე როგორც სხვა ნებისმიერ ინდუსტრიაში წარმატების მისაღწევად, არანაკლებ დიდი ძალისხმევა, ინფორმაციის მოძიება და საკუთარ თავზე მუშაობა დაგჭირდება. 

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

თუ მარკეტინგის მიმართულებით ონლაინ წიგნებს ეძებ, წაიკითხე ჩვენი ბლოგი: ტოპ 5 ციფრული მარკეტინგის წიგნი. ხუთივე მათგანში ამ დარგში წარმატებული პროფესიონალები მკითხველს მათ გამოცდილებას და მიგნებებს უზიარებენ. 

 

რაც შეეხება ციფრული მარკეტინგის ონლაინ კურსებს, ამ მიმართულებით საქართველოში, ისევე როგორც საზღვარგარეთ საკმაოდ მრავალფეროვანი არჩევანია. თუ კონკრეტულად სოციალური მედია მარკეტინგის სწავლა და ამ მიმართულებით განვითარება გინდა, Digitalhub-ის ონლაინ კურსს შეგიძლია გადახედო.

 

მისი ტრენერი საქართველოში პირველი სრულად ციფრული ბანკი “სფეისის” ციფრული მარკეტინგის ხელმძღვანელი, ირაკლი ჩხეიძეა, რომელსაც ინდუსტრიაში მუშაობის უკვე 12 წლიანი გამოცდილება აქვს როგორც ადგილობრივ, ისე საერთაშორისო ბრენდებთან. 

რა უნარ-ჩვევები დაგჭირდება იმისთვის, რომ გახდე წარმატებული ციფრული მარკეტერი?

ციფრული მარკეტერი და მისი შესაძლებლობები

პირველ რიგში, მნიშვნელოვანია მაქსიმალურად განივითარო შენი ლიდერობისა და ადამიანებთან კომუნიკაციის უნარები, რადგან ფაქტობრივად ყოველდღიურად მოგიწევს შენს გუნდთან ურთიერთობა და მათთვის სწორი მითითებების, რჩევებისა და მიმართულებების მიცემა.  

 

ანალიტიკური უნარები ციფრული მარკეტინგის მენეჯერს მის მიერ გაწეული სამუშაოს სწორად შეფასებაში, მართებული დასკვნების გამოტანაში და მომავალი სტრატეგიის უკეთ დასახვაში აუცილებლად დაეხმარება. ყველა სოციალურ მედია პლატფორმას სხვადასხვა თავისებურება აქვს, მათი გააზრება და რეკლამის უამრავი დეტალის გათვალისწინებით გაშვება, რა თქმა უნდა, ანალიტიკურ უნარ-ჩვევებსაც საჭიროებს.

ციფრულ მარკეტინგში, ისევე როგორც ზოგადად მარკეტინგის ნებისმიერ მიმართულებაში არანაკლებ დიდ როლს თამაშობს წერის უნარები. თუ მარკეტერს არ შეუძლია საკუთარი აზრისა და სათქმელის ლაკონურად და ყველასთვის გასაგებ ენაზე ჩამოყალიბება, მისთვის ამ ინდუსტრიაში მუშაობა საკმაოდ რთული იქნება, რადგან მას მოუწევს არა მხოლოდ თანამშრომლებთან, არამედ მომხმარებლებთან პირდაპირ თუ ირიბად კომუნიკაციაც (ციფრული არხებით თუ სხვა საშუალებებით). 

 

კიდევ ერთი თვისება, რომელიც წარმატების მიღწევაში დაგეხმარება, სიახლეებთან ადაპტაცია და მისკენ მუდმივი სწრაფვაა. ციფრული მარკეტინგის მენეჯერის მოვალეობაა მუდმივად მოიძიოს ახალი პლატფორმები და არხები, რომლებიც უკეთესი შედეგების მიღების შესაძლებლობას მისცემს კომპანიას არა მხოლოდ ცნობადობის ზრის, არამედ პროდუქტის/სერვისის გაყიდვების მიმართულებითაც. 

 

თუმცა, რა თქმა უნდა, აქვე უნდა აღინიშნოს ისიც, რომ შეუძლებელია ამ ინდუსტრიაში შეცდომები არ დაუშვა. მათგან თავის ასარიდებლად შეგიძლია წაიკითხო ჩვენი ბლოგი, 5 შეცდომა, რომელსაც მარკეტერები უშვებენ Facebook-ზე რეკლამირებისას.

სად შეგიძლია ისწავლო ციფრული მარკეტინგი?

გახდი ციფრული მარკეტერი

ბოლოს, თუ ამ მიმართულებით საშენო ონლაინ კურსს ეძებ და გინდა, სიღრმისეულად შეისწავლო, როგორ გაუშვა რეკლამა სოციალურ მედიაში, მაშინ გაეცანი Digitalhub-ის ონლაინ კურსის კურიკულუმს, სადაც დეტალურ ინფორმაციას მიიღებ ირაკლი ჩხეიძის ვიდეო გაკვეთილების შესახებ. 

დიჯიტალ მარკეტინგის უპირატესობები

დიჯიტალ მარკეტინგის უპირატესობები ციფრული მარკეტინგის ბლოგი Share on facebook Share on twitter Share on linkedin Share on whatsapp Share on email გააზიარე სტატია დაიღალე გაურკვევლობით,

წაიკითხე ვრცლად »

დიჯიტალ მარკეტინგის უპირატესობები

დიჯიტალ მარკეტინგის უპირატესობები ციფრული მარკეტინგის ბლოგი Share on facebook Share on twitter Share on linkedin Share on whatsapp Share on email გააზიარე სტატია დაიღალე გაურკვევლობით,

წაიკითხე ვრცლად »
Categories
მარკეტინგი ციფრული მარკეტინგი

დიჯიტალ მარკეტინგი საქართველოში

დიჯიტალ მარკეტინგი საქართველოში

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

დიჯიტალ მარკეტინგი და მისი განვითარება საქართველოში

დიჯიტალ მარკეტინგი არის ინტერნეტ სივრცეში, კომპიუტერული ტექნოლოგიებით და მობილურის საშუალებით წარმოებული მარკეტინგული კომუნიკაცია. ციფრული მედიუმები, არხები, სტრატეგიები, პლატფორმები, საძიებო სისტემები –  ციფრული მარკეტინგი ყველა ამ თემას მოიცავს.

სტატიის სარჩევი

ვინ არის ციფრული მარკეტერი?

რას მოიცავს დიჯიტალ მარკეტინგი

დიჯიტალ მარკეტერი არის ადამიანი, რომელიც უზრუნველყოფს კომპანიის მიზნების მიღწევას ციფრული არხების საშუალებით. ციფრული მარკეტერი მუშაობს როგორც ბრენდის ცნობადობაზე, ისე – კონკრეტულ სამიზნე აუდიტორიაში პროდუქტის გაყიდვაზე.

 

მისი პასუხისმგებლობაა გამოიყენოს ყველა სახის ხელსაწყო, როგორც უფასო, ისე – ფასიანი. მაგალითად: სოციალური მედიის არხები, ელ.ფოსტა, საძიებო სისტემები, ბლოგები და ნიუსლეთერები, ვებ.გვერდი და ა.შ 

 

ბოლო პერიოდში, ციფრული მარკეტინგი საქართველოშიც ძალიან გაიზარდა. მარკეტინგის ამ მიმართულებას სწრაფადვე აუბეს ფეხი ქართულმა ბრენდებმა.

 

დღეს ქართული ბრენდების ციფრული შეხების წერტილები გაცილებით დახვეწილია, ვიდრე თუნდაც რამდენიმე წლის წინ იყო. ბრენდები ციფრულ არხებს არა მხოლოდ ბრენდის შესახებ ცნობადობის გასაზრდელად იყენებენ, არამედ ყიდიან კიდეც საკუთარ პროდუქტს.

 

სოციალური მედია მარკეტინგი ყველაზე ხშირად გამოყენებადი მიმართულებაა ციფრული მარკეტერებისთვის. სოციალური მედია, რომელსაც პრაქტიკაში გამოიყენებენ, მოიცავს ყველა ძირითად ტექნოლოგიურ გიგანტს: Facebook, Instagram, Youtube, Twitter, Linkedin. თუ გინდა ნახო სოციალური ქსელების ჩამონათვალი სრულად, ამ გვერდს ეწვიე.

რატომ უნდა ისწავლო დიჯიტალ მარკეტინგი?

დიჯიტალ მარკეტინგი და მისი პროფესიული უპირატესობები

სადიპლომო პროგრამები თუ სხვადასხვა კომპიუტერული კურსები ხშირად არ გაძლევს საშუალებას შენთვის სასურველი მიმართულება აირჩიო. ციფრული მარკეტინგი კი მათგან განსხვავებით, მრავალ მიმართულებას მოიცავს, სადაც შენს ინტერესებზე მორგებული არჩევანის გაკეთებას შეძლებ. 

მაგალითად, თუ SEO-ს ან SEM-ის შესწავლით ხარ დაინტერესებული, ჯობია გაითვალისწინო, რომ ეს მიმართულება კარგი ანალიტიკური და კვლევითი უნარების ქონას მოითხოვს. თუ სოციალური მედია მარკეტინგი ან კონტენტ მარკეტინგი გაინტერესებს, ამ შემთხვევაში უფრო შემოქმედებითი უნარები გამოგადგება.

ყველაფერთან ერთად, ციფრული მარკეტინგის სწავლა დისტანციურად, სახლიდან ან სხვა ნებისმიერი ადგილიდან შეგიძლია. მათ შორის, საქართველოშიც.

 

დიჯიტალ მარკეტინგის სწავლისას, ისიც უნდა გაითვალისწინო, რომ 2020 წელს გლობალურად ამ მიმართულებაზე მოთხოვნა 59% იყო, ხოლო მიწოდება 19%. ეს იმას გულისხმობს, რომ ციფრული მარკეტერები სამუშაო ბაზარზე საკმაოდ დეფიციტური კადრები არიან და დიდი შესაძლებლობებია მათთვის, ვისაც ამ სფეროში წარმატება სურს.

სად შეგიძლია ისწავლო დიჯიტალ მარკეტინგი?

ციფრული მარკეტინგის შესასწავლად არაერთი ონლაინ კურსი არსებობს. დიდი არჩევანია სოციალური მედია მარკეტინგის კურსებშიც, რომლებიც ონლაინ სწავლის საშუალებას იძლევიან.

 

მათ შორის არის digitahub-ის კურსი: რეკლამა სოციალურ მედიაში. კურსის ხელმძღვანელი ირაკლი ჩხეიძეა, სფეისის ციფრული მარკეტინგის ხელმძღვანელი. საინტერესოა, რომ სფეისი ციფრული ბანკია, რომელიც მხოლოდ შენს მობილურში არსებობს და მარკეტინგულ კომუნიკაციასაც უმთავრესად ციფრული არხების (Facebook Ads, Google Ads და ა.შ.) მეშვეობით ახორციელებს.

 

თუ გინდა, შენც გაიგო, როგორ გაუშვა რეკლამა სოციალურ მედიაში, გადახედე კურსის კურიკულუმს.

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

დიჯიტალ მარკეტინგის უპირატესობები

დიჯიტალ მარკეტინგის უპირატესობები ციფრული მარკეტინგის ბლოგი Share on facebook Share on twitter Share on linkedin Share on whatsapp Share on email გააზიარე სტატია დაიღალე გაურკვევლობით,

წაიკითხე ვრცლად »