Categories
მარკეტინგი სოციალური მედია ციფრული მარკეტინგი

სოციალური მედია კამპანია 9 მარტივ ნაბიჯში

9 რამ, რაც უნდა გაითვალისწინო, სანამ სოციალურ მედია მარკეტინგულ კამპანიას გაუშვებ

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

როგორ დავგეგმო სოციალური მედია კამპანია?

ვერაფრით ვუარყოფთ იმ ფაქტს, რომ სოციალური მედია მარკეტინგი, დღესდღეისობით, ძალიან დიდ როლს თამაშობს, ვებ.გვერდზე ტრაფიკის, ლიდებისა და  ზოგადად ბრენდის ცნობადობის გაზრდაში, მაგრამ თუ შენ არ მიყვები  სინათლის სიჩქარით ცვალებად ტრენდებს, არ ეცნობი ახალ ციფრულ ინსტრუმენტებს და მუდმივად ცდილობ უმტკივნეულოდ წარმართო პროცესი, მზად იყავი იმისთვის, რომ ყოველი შენი მომავალი სოციალურ მედია მარკეტინგუილი კამპანია, წინამორბედზე უფრო წარუმატებელი და  ნაკლებად ეფექტური იქნება, შესაბამისად დაკარგავ პოტენციურ მყიდველს და ძალიან დიდი განვითარების პოტენციალს.

რა თქმა უნდა, არსებობს კარგად გამოცდილი და ფუნდამენტური მიდგომები, რომელთა გათვალისწინებაც აუცილებელია კამპანიის სტრატეგიის გაწერისას, არის რაღაცეები რაც წლებთან ერთად  არ კარგავს ეფექტურობას, მაგრამ გარკვეულწილად ისინიც იცვლებიან და ერგებიან ახალ ციფრულ სამყაროს, შესაბამისად მნიშვნელოვანია ყოველდღიურ ცვლილებებს მარტივად და მოქნილად აუბა ფეხი.

დღეს, ზდასრული ადამიანების 90% (18-29 წელი) დარეგისტრირებულია სოციალურ მედიაში, ასევე 65+ ადამიანების 35%. მილენიალების მესამედი იყენებს სოციალურ მედიას და თვლის რომ  ბიზნესებთან საკომუნიკაციოდ საუკეთესო საშუალებაა.

შესაძლებლობები ძალიან დიდია, ამიტომ აუცილებელია რომ შენი ბიზნესიც იყოს სოციალურ მედიაში, რათა  შეეძლოს მიზნობრივი აუდიტორიის მოზიდვა და წარმატებული სოციალურ მედია მარკეტინგული კამპანიის დაგეგმვა, ამ ბლოგში კი გაიგებ როგორ.

 

სტატიის სარჩევი

pexels-breakingpic-3243

1. განსაზღვრე მიზანი

განსაზღვრე რა მიზანს ემსახურება ახალი სოციალური მედია კამპანია

რატომ უშვებ ახალ კამპანიას? რას ფიქრობ, რისი მიღწევა შეგიძლია? მეტი ტრაფიკი გჭირდება ვებ.გვერდზე, გაყიდვების გასაზრდელად?  ბრენდის ცნობადობის გაზრდა გსურს? თუ მეტი ინფორმაციის შეგროვა გჭირდება შენს ლიდებზე?

სოციალურ მედია კამპანიის მიზანი  არ უნდა იყოს რაღაც აბსტრაქტული, პირიქით, რაც უფრო მკაფიო იქნება ვერბალურად გადმოცემისას, მით უკეთესი. აი მაგალითად: მე მინდა რომ მეტმა ადამიანმა შეავსოს ჩემი ლიდის ფორმა ვებ.გვერდზე.  თუ პროცესის დასაწყისშივე განსაზღვრავ ასეთ დეტალებს, დანარჩენი თავისით მიყვება დიენბას.

2. ციფრულ მარკეტინგში, წარმატება განისაზღვრება რიცხვებში

სოციალური მედია კამპანია და მისი მეტრიკები

მაშინ, როდესაც კამპანიის მთავარ მიზანზე საბოლოოდ ჩამოყალიბდები, აირჩიე რიცხვი, რომელიც, შენი აზრით, ამ მიზნის მიღწევას საუკეთესოდ ასახავს, მაგალითად: მე მინდა რომ 100-მა ახალმა მომხმარებელმა  შეავსოს ლიდის ფორმა ჩემს ვებ.გვერდზე.

ასეთი მიდგომა დაგეხმარება დასახო ისეთი მიზანი, რომლისკენაც სწრაფვის გარდა, განვლილი გზისa და წარმატების გაზომვასაც შეძლებ.

pexels-brett-jordan-5426401

3. რაც მეტი მით უკეთესი?

თუ უკვე გამოცდილი მარკეტერი ხარ, ალბათ გეცოდინება, რომ დღეს ყველა ცდილობს, გამოჩნდეს რაც შეიძლება მეტ სოციალურ მედია პლათფორმაზე, პრინციპით – რაც მეტი მით უკეთესი. მაგრამ არის კი ეს უკეთესი? რა თმქა უნდა, რესურსი და შესაძლებლობები მაქსიმალურად  უნდა გამოიყენო, მაგრამ ხშირად კომპანიებს ავიწყდებათ, რომ რაოდენობრივი სიმრავლე ხარისხობრივ სიკარგეს არ ნიშნავს. როდესაც შენი სოციალური მედია კამპანია გადის ბევრ პლათფორმაზე, მნიშვნელოვანია გაითვალისწინო მათი სფეციფიკა და ამის შესაბამისად შექმნა კონტენტი. თუ შენ გაქვს შეზღუდული რესურსი, დაუთმე მეტი დრო ერთი კონკრეტული პლათფორმის განვითარებას და შემდგომ ეტაპობრივად, რესურსის ზრდასთან ერთად, მიამატე სხვა პლათფორმებიც. მთავარია იცოდე, რისთვის შედიან ამ პლათფორმაზე მომხმარებლები, რა სახის კონტენტს ეძებენ და როგორი ფორმატები იქცევს მათ ყურადღებას.

ძალიან კარგად გაერკვიე ერთ პლათფორმაში, მაგალითად: რა არის ეფექტური რეკლამა Facebook-ზე? როგორ შეგიძლია გამოიყენო? რამდენი ბიუჯეტი ჭირდება? შესაძლებელია თუ არა შენი მიზნის მიღწევა ამ ინსტრუმენტით? შემდგომ კი უფრო მარტივად გადაიტანე სხვა პლათფორმებზე გამოცდილი მიდგომა.

4. დაწერე შენი მარკეტინგული სტრატეგია

სოციალური მედია კამპანია არ იმუშავებს სტრატეგიის გარეშე

ზეპირსიტყვიერად გადაცემა მხოლოდ ხალხურ ლექსებს თუ მოერგება, მარკეტინგულ სტრატეგიას კი უმჯობესია თუ კარგად გაწერ და შეინახავ. ჩამოწერე რის გაკეთებას აპირებ: რა არის შენი გეგმა? ვინ რა დავალებაზეა პასუხისმგებელი? როდის უნდა ჩაბარდეს შუალედური მიზნები? ეს ყველაფერი დამოკიდებულია შენს მიერ შემუშავებულ დროისა და შესრულების სტრატეგიაზე – ჩამოწერე ყველაფერი და შექმენი შენი სოციალური მედიის მიისის დოკუმენტი.

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

5. როგორ გამოიყურება შენი იდეა?

გინახავს სადმე სოციალური მედია კამპანია ვიზუალის გარეშე? თუ გინახავს და იცი რომ წარმატებული იყო, გთხოვ, ჩვენც გაგვიზიარო 😊 რადგან ჩვენ ასეთი შესახებ არ გვსმენია და არც გვინახავს.

გეტყვით, რომ სოციალური მედიაში ყველაზე მეტ ყურადრებას იქცევს ვიზუალური მხარე, იქნება ეს სტატიკური ფოტო, ინფოგრაფიკი თუ ვიდეო. ეფექტური რეკლამის მთავარი ელემენტია ვიზუალი, რომელსაც  აქვს უფრო დიდი შანსი გახდეს ვირუსულად ცნობილი და გადაზიარებადი.

კარგია, რომ იცოდე:

  • Facebook გვერდის ჩართულობის 87% მოდის სტატიკური ვიზუალებზე
  • ორგანიზაციების 88%, დღესდღეისობით, იყენებს სოციალურ მედია არხებს

6. ციფრულ სამყაროში გადამოწმება ცოდნის დედაა

იმისთვის, რომ გაიგო რამდენად ეფექტურია შენი სოციალური მედია მენეჯმენტი, მნიშვნელოვანია შეგეძლოს მასზე დაკვირვება და მონიტორინგი. გამოიყენე ანალიტიკის ინსტრუმენტები, კამპანიის დაწყების დღიდან დასასრულამდე.

თუ შეამჩნევ, რომ რამე იმაზე უკეთესად მუშაობს ვიდრე მოელოდი, დაუთმე მას მეტი რესურსი.

pexels-olya-kobruseva-5417622

7. ინვესტირება სოციალურ მედია მენეჯმენტის ინსტრუმენტებში

პროდუქტიულობის გასაზრდელად, დღესდღეისობით, თითქმის ყველა წამყვანი მარკეტერი იყენებს სოციალური მედია მენეჯმემტის ინსტრუმენტებს.  სოციალური მედიის მართვის ინსტრუმენტები დაგეხმარებათ კამპანიების დაგეგმვასა და მონიტორინგში.

 

ისეთი ინსტრუმენტები, როგორებიცაა Everypost და SocialOomph , დაგეხმარებათ წინასწარ გაწეროთ და დაგეგმო: როდის რა პოსტი ეშვება სოციალურ მედიაში და შემდგომ ავტომატურად გაუშვა. შენ ასევე შეძლებ დაუკავშირო  კონტენტ კალენდარი და წინასწარ გაწერილი პოსტები ავტომატურად ასახო  სოციალური მედია მენეჯმენტის ინსტრუმენტებში, რაც მოგცემთ საშუალებას დაზოგოთ დრო  და ენერგია.

8. როგორია შენი ბიზნესის იდეალური მომხმარებელი?

სოციალური მედია კამპანია და მისი სპეციფიკური მიზნობრივი აუდიტორია

იყავი მაქსიმალურად კონკრეტული, როდესაც ადგენ შენი იდეალური მომხმარებლის პროფილს. გაითვალისწინე დემოგრაფიული და ფსიქოგრაფიული დეტალები: რამდენი წლისაა? რა არის მისი საშუალო შემოსავალი? არის თუ არა მისი ინტერესი შენი ბრენდის ღირებულებებთან და ინტერესებთან თანაკვეთაში? ასეთი მიდგომა განსაკუთრებით ახალი ბრენდის ბაზარზე გაშვებისას არის მნიშველოვანი, სანამ ის თავის ერთგულ აუდიტორიას შეაგროვებს.

pexels-christina-morillo-1181311

9. განსაზღვრე შენი სოციალური მედიის წარმატების მთავარი მაჩვენებლები

როგორ უნდა მიხვდე სწორად იქცევი თუ არა ? აღწევ მიზნებს? მუშაობს სტრატეგია? არის კი  გაღებული ინვესტიცია შედეგის შესაბამისი თუ უბრალოდ არამიზნობრივად იხარჯება  რეკლამაში დიდი თანხები.

მნიშვნელოვანია განსაზღვრო, სოციალურ მედიაში, შენი წარმატების მთავარი და გაზომვადი მაჩვენებლები, როგორებიცაა: კონვერსიის პროცენტული მაჩვენებელი, მიღწეული უნიკალური მომხმარებლების  რაოდენობა, ვებ.გვერდის ტრაფიკი და საიტზე გატარებული დრო, გაზიარებები და ზოგადად მომხმარებელთა ჩართულობის პროცენტული მაჩვენებელი შენს პოსტებზე.

კამპანიის დაგეგმვისას აუცილებლად შეარჩიე სწორი, გაზომვადი წარმატების მაჩვენებელი, ერთი კამპანიისთვის შესაძლოა ეს იყოს:  ტრაფიკი ვებ.გვერდზე და მეტი დაკონვერტირებული მომხმარებელი, მეორესთვის კი ბრენდის ცნობადობის გაზრდა – მეტი უნიკალური მომხმარებლისთვის ინფორმაციის გაზიარება, ინტერაქცია რეკლამსათან სოციალურ მედიაში და მომხმარებლის ჩართულობა.

თუ ხარ ანტრეპრენერი ან უბრალოდ გსურს უფრო ახლოს გაიცნო ციფრული მარკეტინგის სამყარო და გაინტერესებს როგორ დაგეგმო სოციალური მედია მარკეტინგული კამპანია შენი ბიზნესისთვის, დარეგისტრირდი ონლაინ კურსზერეკლამა, სოციალურ მედიაში და  დაიწყე სწავლის პროცესი.

Categories
ციფრული მარკეტინგი

Facebook რეკლამა და 6 მითი მის შესახებ

6 მითი Facebook რეკლამის შესახებ

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

Facebook რეკლამა და მითები მის შესახებ

Facebook რეკლამა არის მარტივი გზა, მიწვდე შენი პროდუქტით დაინტერესებულ აუდიტორიას და დააგენერირო მეტი ლიდი. მაგრამ თუ ასე მარტივად ჟღერს ეს ყველაფერი, რატომ არ იყენებენ პატარა კომპანიები Facebook-ის სარეკლამო პლათფორმას უფრო აქტიურად? ალბათ იმიტომ, რომ რეკლამას სოციალურ მედიაში  თან სდევს არა ერთი მითი და არასანდო ინფორმაცია, რომელიც არასწორ წარმოდგენას გვიქმნის მასზე. ამ ბლოგში შენ გაეცნობი Facebook რეკლამის შესახებ 6 მითს და იმედია უფრო კარგად დაინახავ  ციფრული მარკეტინგის ინსტრუმენტების შესაძლებლობებს.

სტატიის სარჩევი

მითი N1 - Facebook რეკლამა ძალიან ძვირადღირებულია

Facebook რეკლამის ოპტიმიზაციის საშუალებები მორგებულია იმაზე, რომ სწორედ რეკლამამ  შეძლოს ბიუჯეტის გადანაწილება  მიზნობრივად და დანახარჯი მაქსიმალურად მომგებიანი გახადოს კომპანიისთვის. სისტემატიური ოპტიმიზაციის არსებობის შემთხვევაში ეს პლათფორმა არის ერთ-ერთი სუაკეთესო ციფრული მარკეტინგის ინსტრუმენტი იმისთვის, რომ შექმნა ეფექტური რეკლამა მიწვდე დაინტერესებულ აუდიტორიას და შენი ბიუჯეტი დახარჯო მხოლოდ რეალური მყიდველის კონვერსიაში.

ფეისბუქ რეკლამა

მითი N2 - Facebook რეკლამას არავინ ნახულობს

რა თქმა უნდა, თუ შენი რეკლამა არ არის შეესაბამება პლათფორმის სტანდარტებს და არ შესაბამისად დაოპტიმიზირებული, მას ვერავინ ნახავს. მნიშვნელოვანია რეკლამას სოციალურ მედიაში ჰქონდეს კარგად შემუშავებული სარეკლამო ელემენტები, რომლებიც მიიქცევს მომხმარებლის ყურადღებას და შეაჩერებს მას თუნდაც რამდენიმე წამით.  გიჩნდება კითხვა, მაშინ როგორ გავაკეთო რეკლამა? პირველ რიგში, ეფექტური რეკლამისთვის მოიფიქრე შესაბამიი Call-to-action _ი, ამის სავარაუდო ვარიანტებს თავად Facebook-ი გთავაზობს, მთავარია შეარჩო ისეთი, რომელიც რეკლამის მიზანს საუკეთესოდ შეესაბამება. გაითვალისწინე, რომ Facebook-ის პლათფორმა არის თეთრ და ლურჯ ფერებში შექმნილი და შესაბამისად მასზე გაშვებული რეკლამის ვიზუალი ამ ფერების კონტრასტული უნდა იყოს, რომ  მეტად აღქმადი  გახდეს მომხმარებლისთვის. რეკლამიდან გადამისამართების შემთხვევაში, დარწმუნდი რომ მომხმარებლის გზა სწორად არის დაგეგმილი და მას არ შეექმნება დისკომფორტი რეკლამსთან ინტერაქციისას, ნებსიმიერი ხარვეზი არის დამატებითი საბაბი,იმისთვის რომ მან დაანებოს თავი ამ ინტერაქციას.

მითი N3 - ჩემს გვერდს მომხმარებელი თავად იპოვის

ალბათ იდეალურ სამყაროში ასეც იქნებოდა 😊 მაგრამ არა სოციალურ მედიაში და არა ახლა. ასეთი მიდგომა არასდროს მუშაობს და ხშირ შემთხვევაში ძალიან ღირებული კონტენტი ფუჭად იფლანგება და იკარგება ისე რომ დღის შუქსაც კი  ვერ ნახულობს.  მნიშვნელოვანია მომხმარებელს უბიძგო, მოანდომო და შეახსენო, რომ ნახოს შენი გვერდი, ვებ. გევრდი ან სხვა რამ. უნდა მიახვედრო, რომ იქ მას ძალიან მნიშვნელოვანი და მისთვის აუცილებელი ინფორმაცია დახვდება. სხვა შემთხვევაში  გაღებული ძალისხმევა და რესურსი უბრალოდ დაიკარგება, მასთან ერთად კი პოტენციური მყიდველიც.

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

მითი N4 - Facebook რეკლამა ვერ მიწვდება ჩემს მიზნობრივ აუდიტორიას

საქართველოში Facebook-ს მოხმმარებლების რაოდენობა შეადგენ 2 მილიონ ადამიანზე მეტს და ეს რიცხვი ყოველდღიურად იზრდება. შესაბამისად შეუძლებელიც კია, ეფექტური რეკლამის პირობებში, რომ შენ მიზნობრივი აუდიტორია ვერ მიაწვდინო ხმა.

ციფრული ფეისბუქ რეკლამა

მითი N5 – Facebook რეკლამა ზედმეტად ცვალებადი

ნადმვილად, Facebookი_ი ყოველდღიურად ამატებს ახალ ცვლილებებს, მაგრამ ეს იმას არ ნიშნავს რომ სარკლამო პლათფორმა სრულიად  იცვლება. მეტიც, ეს ცვლილებები ეხმარება კომპანიებს ციფრული მარკეტინგის ინსტურმენტები რაც შეიძლება მარტივად და კომოფრტულად გამოიყენონ. Facebook-ი ყოველთვის წინასწარ აანონსებს მნიშვნელოვან ცვლილებებს ან ამ ცვლილებებს პირდაპირ სარეკლამო პლათფორმაზე გიგზავნის შეტყობინების სახით, სწორედ იმისთვის რომ შენ შეძლო მომზადება და მარტივად ადაპტირება.

მითი N6 – Facebook რეკლამა მხოლოდ დიდი ბიზნესებისთვის არსებობს

Facebook-ის სარეკლამო პლათფორმას იყენებენ როგორც ყველაზე დიდი ბრენდები, ასევე ახლადაღმოცენებული სტარტაპები. მათშორის განსხვავება შესაძლოა იყოს მიზნობრივი აუდიტორიის ზომას, სარეკლამო სტრატეგიასა და ბიუჯეტირებაში. ნებისმიერ კომპანიას, რომელსაც უნდა გაყიდვებზე ორიენტირებული ციფრული რეკლამის შექმნა, შეუძლია ამ მიზანს Facebook-ის სარეკლამო პლათფორმით მიაღწიოს.

მთლიანობაში, ამ პლათფორმის გამოყენება არ არის ბევრ სირთულესთან დაკავშირებული, მთავარია დასაწყისშივე კარგად შეისწავლო მისი ეკოსისტემა და სწორად დაგეგმო როგორც  სარეკლამო სტრატეგია ასევე რეკლამის ელემენტები, წინასწარ განსაზღვრო მიზნობრივი აუდიტორია და შესაბამისი ინფორმაცია მიაწოდო მათ.

თუ ხარ ანტრეპრენერი ან უბრალოდ გსურს უფრო ახლოს გაიცნო ციფრული მარკეტინგის სამყარო, დარეგისტრირდი ონლაინ კურსზერეკლამა, სოციალურ მედიაში და  დაიწყე სწავლის პროცესი.

Categories
მარკეტინგი სოციალური მედია ციფრული მარკეტინგი

გრაფიკული დიზაინი – 5 პლათფორმა ანტრეპრენერთათვის

გრაფიკული დიზაინის 5 პლათფორმა, დამწყები მარკეტერებისა და ანტრეპრენერთათვის

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

გრაფიკული დიზაინი და მისი ინსტრუმენტები

‘’რასაც ვხედავ ზუსტად იმას მივიღებ’’ – ამას ფიქრობს მომხმარებელი, როდესაც ის შენი ბიზნესის ვებ-გვერდს სტუმრობს. მიუხედავად იმისა, რომ დამარწმუენებელი კომუნიკაცია, ბლოგები და სოციალური მედიის ეფექტურობა დაგეხმარება შენი ბრენდის კონკურენტებისგან გამიჯვნაში,  საიტის ვიზუალური მხარე არის ის, რასაც შეუძლია პირველადი შთაბეჭდილების მოხდენა, როდესაც მომხმარებელი აჭერს ბმულს ან  ეძებს პროდუქტს საიძოებო სისტემაში. 

 

უახლესმა კვლევებმა აჩვენეს, რომ მომხმარებელს საიტის კონკრეტულ არეალზე ფოკუსირებისთვის, მხოლოდ 2.6 წამი სჭირდება. მეტიც, ვიზიტორისთვის საკმარისია 0.05 წამი, რომ პირველადი შთაბეჭდილება შეიქმნას შენს ბრენდზე, სწორედ ამიტომ ძალიან მნიშვნელოვანია არა მხოლოდ გამართული და ფუნქციური, არამედ ვიზუალურად მიმზიდველი საიტის შექმნა. ამაში კი მხოლოდ გრაფიკული დიზაინი და მისი ინსტრუმენტები თუ დაგეხმარება.

საიტის ვიზუალურ მხარეზე ზრუნვა, დიდი ბიზნესის შემთხვევაში, გულისხმობს გრაფიკული დიზაინერების ერთ გუნდად გაერთიანებას, რომელიც უზრუნველყოფს ზემოთჩამოთვლილი პუნქტების გათვალისწინებით, ყოველმხრივად გამართული დიზაინის შექმნას.

 

მცირე და საშუალო ბიზნესმა, შესაძლოა, ამისთვის საკმარისი ბიუჯეტის გამოყოფა ვერ შეძლონ, ამიტომ მათთვის არსებობს დაბალბიუჯეტური ან უფასო ინსტრუმენტები, რომლებსაც შემდგომ, ამ ბლოგში, გაგაცნობთ.

სტატიის სარჩევი

გრაფიკული დიზაინი და საუკეთესო ინსტრუმენტები მის შესაქმნელად

თუ შენს საიტზე ჩატარებული პატარა კვლევის შემგომ მიხვდი, რომ საიტის ტექსტი რთულად იკითხება, არც ფოტოებია შესაბამისი და არჩეული ფერთა პალიტრა ნამდვილად თვალშისაცემია, მაგრამ თავს გატკიებს, დროა იპოვო მარტივი გამოსავალი.

 

გრაფიკული დიზაინის შესაქმენლად, არსებობს არა ერთი უფასო  ინსტრუმენტი, რომელიც დაგეხმარება, შექმნა  პროდუქტზე მორგებული საიტის დიზაინი ან თუნდაც პოსტის ვიზუალი, სოციალურ მედია არხებში განსათავსებლად. მსგავსი ინსტრუმენთა ჩამონათვალი საკმაოდ გრძელია, ამიტომ  ამ ბლოგში  გაგაცნობთ მათ შორის 5 საუკეთესოს.

 

პირველ რიგში, პროგრამის  შერჩევისას, მნიშვნელოვანია გაითვალისწინო ორი ფაქტორი: შენი ამჟამინდელი გრაფიკული დიზინის შესაძლებლობები და ამ  პოტენციალის გამოყენების საშუალებები. აი მაგალითად, თუ შენ  არ გაქვს არანაირი გამოცდილება გრაფიკულ დიზაინში, მნიშვნელოვანია იპოვო ისეთი ისტრუმენტი, რომელსაც სჭირდება მხოლოდ მიმართულების მიცება და შემდგომ თავად უზრუნველყოფს, მითითებების შესაბამისი, მარტივი მაგრამ ეფექტური დიზაინის შექმნას.

 

იმ შემთხვევაში თუ შენ ამ სფეროში გაქვს გამოცდილება ან უბრალოდ ბუნებრივი ნიჭით ხარ დაჯილდოვებული, შეარჩიე ისეთი ინსტრუმენტი, რომელიც მეტ კონტროლსა და  შენი მონაცემების მაქსიმალურად გამოყენების საშუალებას მოგცემს.

 

ახლა კი დავუბრუნდეთ კითხვას – რომელია შენი ბიზნესივთის საუკეთესო ინსტრუმენტი, გრაფიკული დიზაინის შესაქმნელად?  გაეცანი ჩვენს ჩამონათვალს, შეაფასე პროგრამების დადებითი და უარყფითი მხარეები და იპოვე შენი მარტივი გამოსავალი.

1. DesignWizard
პლათფორმა: WINDOWS

DesignWizard არის ახალი ინსტრუმენტი, საიტის გრაფიკული დიზაინის შესაქმნელად. რომელიც გთავაზობს სურათების  დიდ ბაზას, ასევე უამრავ უფასო შაბლოს (10,000_ზე მეტს)  და რაც მთავარია ძალიან მარტივ ინტერფეისს.

 

გაითვალისწინე, ამ ინსტრუმენტის საშუალებით შეძლებ არა ერთი უფასო ფუნქციის გამოყენებას, მაგრამ  მისი უფრო დახვეწილი ვერსიის მისაღებად მოგიწევს ფასიანი პაკეტის შეძენა.

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

Setka Editor
პლათფორმა: Windows, Mac

გაყიდვებზე ორიენტირებული გრაფიკული დიზაინი

Setka Editor – ამ ინსტრუმენტის მთავარი მესიჯია: ‘’ყველაფერი ის, რაც თქვენ გჭირდებათ კონტენტის შესაქმნელად, რომელიც კონვერტირდება’’.

 

გრაფიკული დიზანის ეს პროგრამა  არის  მეტად ორიენტირებული დიზაინის შინაარსობრივ განვითარებაზე, იქნება ეს პოსტი ციფრულ მედიაში  თუ საიტის ძირითადი ვიზუალური მხარე.

 

შენიშვნა… მიუხედავად იმისა, რომ ეს პროგრამა ორი კვირის განმავლობაში სრულიად უფასოა, შენ მოგიწევს წინასწარ შეარჩიო  – Starter, Pro ან Enterprise პაკეტი, ინსტრუმენტის სრული ფუნქციების მისაღებად.

3. Canva
პლათფორმა: Windows, Mac, Android, iOS

გრაფიკული დიზაინი არადიზაინერთათვის

თუ შენ გსურს Ebook, ინფოგრაფიკის, სავიზიტო ბარათისა ან ელ.ფოსტის ჰედინგის დიზაინის შექმნა, Canva არის სწორედ ის ინსტრუმენტი, რომელიც გაგიმარტივებს ამ პროცესს.

 

ეს პროგრამა არის არადაიზაინერების მიერ შემუშავებული ინსტრუმენტი, რომელიც საშუალებას გაძლებს პროფესიონალურ დონეზე, მარტივად და სწრაფად შეძლო სასურველი შაბლონის აწყობა.

 

თანაც ალბათ ყველაზე მეტად ესმით არადიზაინერებს არადიზაინერი ადამიანების საჭიროებები, შესაბამისად თუ არც შენ ხარ გამოცდილი ამ სფეროში, canva-ს  ინტერფეისი დაგეხმარება რესურსის დაზოგვასა და მაღალი ხარისხის პროდუქტის შექმნაში.

 

მართლაც რომ დაუჯერებელია არა? მაგრამ წინასწარ უნდა გაგაფრთხილო,ამ შემთხვევაშიც დაგჭირდება მცირედი ინვესტიცია ინსტრუმენტის ფასიან ვერსიაში. მიუხედავად იმისა, რომ canva-ს აქვს უფასო  ვერსია, მისი სრული შესაძლებლობების გამოსაყენებლად და შედარებით რთული დიზაინის შესაქმენლად, დაგჭირდება ფასიანი  ვერსიის შეძენა.

4. Krita
პლათფორმა: Windows, Mac, Android, Linux

გრაფიკული დიზაინი არტისტებისთვის

Krita არის  უფასო პროგრამა, რომელიც შექმნილია არტისტების მიერ არტისტებისთვის. ამ ინსტრუმენტის შექმნა და მუდმივი განვითარება უკავშირდება დიზაინერების საჭიროებებზე ზრუნვას.

 

გასაკვირი არ უნდა იყოს, რომ KRITA-ს აქვს პერსონალიზირებული  ინტერფეისი, პროგრამული ფუნქციებით მდიდარი ნაკრები და ძალიან ბევრი დიზაინერებისთვის საჭირო  რესურსი.

 

ბიზნესი, რომელიც ცდილობს გააუმჯობესოს ბრენდის ვიზუალური მხარე, შექმნას რეკლამა ციფრული არხებისთვის და ამავდროულად ჰყავს გამოცდილი გრაფიკული დიზაინერი, შესაძლებლობა აქვს Kirkas-ს საშუალებით მიაღწიოს უნიკალურ შედეგს.

5. Gimp პლათფორმა: Windows, Mac, Linux

Gipm-ი, უფასო  გრაფიკული დიზაინის პლათფორმებს შორის, ალბათ ყველაზე ცნობილია. მას ხშირად ადარებენ  Photoshop- ს და ასახელებენ არა ერთ არგუმენტს თუ რითი სჯობია ის მას.

 

Gimp- ი საკმაოდ დიდი პოპულარობით სარგებლობს, რადგან არის სრულიად უფასო ინსტრუმენტი, რომელიც გამოირჩევა ყველნაირი ფაილის ფორმატის მხარდაჭერით, აკეთებს ციფრულ რეტუშირებას მარტივად და საშუალებას გაძლებს შექმნა დიზაინი ნულიდან.

 

შენიშვნის სახით, შეგვიძლია ვთქვათ რომ Gipm-ი არ უჭერს მხარს photoshop-ის დანამატებს, რაც დამეთანხმებით არც ისე გასაკვირია.

შენი ბრენდის გრაფიკული დიზაინი, არის პირველი დაუვიწყარი შთაბეჭდილება

ბრენდის აღქმას მნიშვნელოვნად განაპირობებს საიტზე გატარებული პირველივე წამი. ვიზიტორი ან   სანდოობით აივსება და მაშინვე გაუჩნდება სურვიილი შეიძინოს რაიმე, ან მეორე წამსვე დატოვებს გვერდს და დაიწყებს სხვაგან საჭირო ნივთის ძიებას.

 

 გრაფიკული დიზაინი არის შენი ბრენდის ვიზუალური სახე, ამიტომ გაითვალისწინე ძირითადი საფუძვლები და შეუდექი შენი ბრენდის უნიკალური დიზაინის შექმნას, შესაფერისი ინსტრუმენტის გამოყენებით.

Categories
მარკეტინგი სოციალური მედია ციფრული მარკეტინგი

ვიდეო კონტენტი შენი ბიზნესისთვის

ვიდეო კონტენტი შენი ბიზნესისთვის

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

ვიდეო კონტენტი და მისი შესაძლებლობები

იცოდი რომ ვიდეო კონტენტი 20%-ით უფრო მეტად იქცევს მომხმარებლის ყურადღებას და სამჯერ უფრო მეტი რაოდენობის ადამიანს წვდება სოციალურ მედიაში, ვიდრე სხვა სტანდარტული პოსტები?

 

ამიტომ ვერ ვუარყოფთ იმ ფაქტს, რომ ვიდეო კონტენტი ძლიერი ინსტრუმენტია ციფრული რეკლამის შესაქმნელად.

 

ამ ბლოგში გაეცნობი ვიდეოს 5 ტიპს, რომელიც დაგეხმარება შენი ბიზნესისთვის შესაბამისი ჩართულობის, ცნობადობისა და კონვერსიების მოპოვებაში.

 

სტატიის სარჩევი

1. Live ვიდეო კონტენტი

Live ვიდეო არის ყველაზე მარტივი და ამავდროულად ეფექტური გზა, ონლაინ სივრცეში,  შენს მომხმარებლებთან დასაკავშირებლად.

ამას მოწმობს რამდენიმე სტატისტიკური მონაცემი:

 

  • ადამიანების 64% ამბობს რომ ბოლო ერთი წლის განმავლობაში ერთხელ მაინც ნახა Live ვიდეო
  • ადამიანების 82% ურჩევნია უყუროს ბრენდის Live ვიდეოს ვიდრე ნახოს სოციალურ მედიაში განთავსებული სტატიკური პოსტი.

Live ვიდეო არის შესანიშნავი გზა იმისთვის, რომ დაუკავშირდე შენს აუდიტორიას უფრო მეტად პერსონალურ და ავთენტურ დონეზე და შეძლო შენი ბრენდის მეტად ჰუმანიზაცია.

 

ნუ მოგერიდება Live-ში გასვლა. გაუზიარე შენი გამოცდილება: რას აკეთებ? როგორ აკეთებ? სამომავლო გეგმები და მიზნები შენს აუდიტორიას, ეს დაგეხმარება მოიპოვო მეტი ჩართულობა შენს გვერდზე და რაც მთავარია გაიზრდება შენი ბრენდის ლოიალური მომხმარებლების რიცხვი.

 

არ აქვს მნიშვნელობა სად გადაწყვეტ Live ვიდეოს გაშვებას, იქნება ეს Facebook, Instagram თუ Youtube-ი, შენ გაქვს შესაძლებლობა მრავალმხრივ გამოიყენო სოციალური მედიის არხები:

  • აჩვენე შენს აუდიტორიას როგორ მიდიოდა გადაღების პროცესი
  • ჩაერთე Live-ში რომელიმე საინტერესო ღონისძიებაზე დასწრებისას
  • გაუზიარე მათ ახალი პროდუქტის შესახებ წინასწარი, ღირებული ინფორმაცია და მოუყევი რამდენად დიდია შენი მოლოდინები.
  • ისაუბრე შენს ონლაინ კურსზე

ვიდეოსთვის კონტენტის შერჩევა შეგიძლია შენი ბრენდიდან გამომდინარე დაიწყო, მთავარია მაქსიამლურად დიდ აუდიტორიასთან შეძლო დაკავშირება და გააცნო მათ შენი ბრენდის შესახებ საჭირო და მათთვის საინტერესო ინფორმაცია. არ დაგავიწყდეს, ძალიან მნიშვნელოვანი ფაქტორია კონტენტის კონსისტენტურობა. 

 

კონსისტენტურობა უბიძგებს მომხმარებელს დაისწავლოს გარკვეული ჩვევა ან მოლოდინი, რომელიც მან იცის რომ აუცილებლად განმეორდება, რაც უფრო მრავალფეროვანი, ვიზუალურად სასიამოვნო და საინტერესო ინფრომაციასთან იქნება ეს მოლოდინი დაკავშირებული მით უფრო დიდია ალბათობა, რომ ეს მომამხარებელი ისევ და ისევ დაუბრუნდება შენს გვერდებს, სხვადასხვა ციფრულ არხებში, ახალი კონტენტის გასაცნობად.

2. შემეცნებითი ტიპის ვიდეო

ვიდეო კონტენტი ცოდნის გასაზიარებლად

ადამიანებს ძალიან უყვართ ახალი ინფორმაციისა და ცოდნის  მიღება ონლაინ, შესაბამისად შენს კომპანიას ეძლევა საშუალება გახდეს ერთ-ერთი მათგანი ვინც ამ მოთხოვნილებას დაუკმაყოფილებას, რაც მთავარია ეს მოგცემს საშუალებას მიიღო შენი მომხმარებლისგან მადლიერება და  გაზარდო მიჯაჭვულობის განცდა. რაც შეეხება ვიდეო ფორმატს, ის არის მეტად მარტივი, სწრაფი და რაც მთავარია სახალისო.

 

დაფიქრდი რა სახის შემეცნებითი  ვიდეოს შექმნა შეგიძლია, რომელიც ნამდვილად ღირებული იქნება შენი აუდიტორიისთვის და დაეხმარება მათ გარკვეული ყოველდღიური პრობლემის გადაჭრაში.

 

შემეცნებითი ვიდეოები განსაკუთრებით მნიშვნელოვანია, როდესაც მომხმარებელი ჯერ კიდევ შენი ბრენდის გაცნობის სტადიაზეა. ასეთი ტიპის ვიდეოს შეუძლია არა მხოლოდ ახალი აუდიტორიის მოზიდვა, არამედ გადაწყვეტილების მიღების პრცოესის დაჩქარება, შესაძლოა პირველ სტადიაზე მყოფი მომხმარებელი მომენტალურად დაკონვერტირდეს ლიდად. მეტიც, შემეცნებით ვიდეობს შეუძლიათ კონვერსიის გაზრდა 20%-ით.

 

ჩაწერე ვიდეოების სერია შენს ბიზნესზე ან სთხოვე თანამშრომლებს გადაიღონ თავისი სპეციალობიდან გამომდინარე მოკლე ვიდეო გაკვეთილები, რომელთა ერთობლიობა შეგიძლია ციფრულ ტრეინინგად აქციო.

3. ვიდეო ბრენდის შესახებ

ვიდეო კონტენტი, კომპანიის შიდა სამზარეულოს გასაზიარებლად

მაშინ როდესაც ამდენი განსხვავებული ბრენდი გვხდება სოციალურ მედიაში, ვნახულობთ სხვადასხვა პოსტებს, რეკლამებს, კარუსელებს,ვიდეოებს, ძალიან რთულია გამოეყო მათ და გახდე შესამჩნევი უფრო ფართე აუდიტორიისთვის.

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

საუკეთესო გზა, იმისთვის რომ შენი ბრენდი გახდეს მეტად თვალშისაცემი,  აუდიტორიისთვის შენი კომპანიის თავიდან ბოლომდე გაცნობაა: კომპანიის ღირებულებები, კულტურა და ყოველდღიური ცხოვრება.

 

ადამიანები შეისყიდიან უფრო მეტად ისეთი ბრენდებისგან პროდუქტს, რომელთა შესახებაც მეტ ინფორმაციას ფლობენ, იცნობენ მათ კულტურას და არიან მათი თანამოაზრეები.

 

გამოიყენე ვიდეო კონტენტისა და ციფრული რეკლამის ძალა, რათა გაუზიარო აუდიტორიას პერსონალური ინფრომაცია კომპანიაზე და გააცნო მათ ის უფრო ახლოს.

 

ამის რამდენიმე გზა არსებობს:

  • მიეცი საშუალება დაათვალიერონ ოფისი და ნახონ სამუშაო პროცესი
  • ჩაწერე ინტერვიუები თანამშრომლებთან
  • გაუზიარე მათ სახალისო მომენტები კომპანიის ცხოვრებიდან – ღონისძიებები, თანამშრომლის დაბადებისდღე და ა.შ
  • აჩვენე გუნდური აქტივობების დღეა 

4. პროდუქტის დემო ვიდეო

ვიდეო კონტენტი შენი პროდუქტის უპირატესობების გასაზიარებლად

მომხმარებლების 90% ამბობს, რომ პროდუქტის შეძენისას, გადაწყვეტილების მიღების პროცესი დააჩქარა პროდუქტის ვიდეოს ნახვამ.

ვიდეო კონტენტი არის ბევრად მარტივი და ხელმისაწვდომი მომხმარებლისთვის, რადგან მას ურჩევნია ნახოს, ვიდრე წაიკითხოს საკუთარი თვალით ინფორმაცია პროდუქტის შესახებ.

 

ვიდეოს საშუალებით აჩვენე როგორ გამოიყენება შენი პროდუქტი პრაქტიკაში. აჩვენე როგორ გამოიყურება, რა ფერისაა, აუხსენი როგორი ფაქტურა აქვს და ჩამოთვალე ის ყველა უპირატესობა, რომელიც ამ პროდუქტს  სხვა მსგავს პროდუქტებისგან გამოარჩევს.

 

ასევე შეგიძლია გამოიყენო ვიდეოს ტიპი – ‘’ როგორ გადავჭრათ ესა თუ ის პრობლემა’’ –  და პრობლემის გადასაჭრელად, აჩვენო შენი პროდუქტი პრაქტიკაში.

 

დაიმახსოვრე, ასეთი ვიდეოს შექმნისას მნიშვნელოვანია მკაფიოდ იკვეთებოდეს მისი ღირებულება, რაც არ უნდა გასაკვირი იყოს, გარკვეულ პროდუქტზე შექმნილი საუკეთესო ვიდეოების უმრავლესობა სულაც არ არის ამ პროდუქტზე ორიენტირებული.

5. სარეკლამო ვიდეო რგოლი

გაყიდვებზე ორიენტირებული ვიდეო კონტენტი

შემეცნებითი და ჩართულობაზე ორიენტირებული ვიდეოები ძალიან დაეხმარება შენს ბიზნეს არა ერთი საჭირო მიზნის მიღწევაში – როგორებიცაა ბრენდის ცნობადობის გაზრდა, ავტორიტეტის მოპოვება ბაზარზე, უფრო იაფი რეკლამა ციფრულ არხებში და მეტად ლოიალური მომხმარებლების შეძენა.

 

როდესაც მომხმარებელი უკვე დაინტერესებულია შენი პროდუქტით, სწორედ ასეთ დროს მნიშვნელოვანია შესაბამისი სარეკლამო კონტენტის მიწოდება, რომელიც გადააქცევს უბრალოდ დაინტერესებულ მომხმარებელს პოტენციურ ლიდად ან მყიდველად.

 

გაითვალისწინე: სარეკლამო ვიდეო რგოლი არ გულისხმობს, ძველმოდურ, მხოლოდ პროდუქტზე ორიენტირებულ ვიდეოს. სულაც არა, დღევანდელ დღეს  მნიშვნელოვანია გაყიდო ისე, თითქოს საერთოდ არ გინდა გაყიდვა, შენ უბრალოდ უნდა მოყვე ისტორია, აჩვენო პროდუქტი მაღალ ხარისხში და დაანახო რომ პროდუქტი პიზიკურად ხელშესახები ნივთის გარდა არის კიდევ უფრო მეტი.

და ბოლოს…..

ვიდეო კონტენტი არის ძალიან ძლიერი ინსტრუმენტი, ის დაგეხმარება როგორც ცნობადობის გაზრდის ეტაპზე ასევე კონვერსიის ეტაპზე. მთავარია შეარჩო საჭირო ინფორმაცია და აჩვენო ის სწორ დროს.

Categories
მარკეტინგი სოციალური მედია ციფრული მარკეტინგი

რა შეცვალა iOS 14-მა Facebook რეკლამაში

რა შეცვალა iOS 14-მა Facebook რეკლამაში

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

ბოლო პერიოდში, განსაკუთრებით აქტიურად მიდის საუბარი Apple-ის განახლებულ iOS 14-ზე და იმ ცვლილებებზე, რაც მან Facebook რეკლამაში შეიძლება მოახდინოს. რეალურად, ამ თემაზე აქამდეც ძალიან ბევრი ჭორი ვრცელდებოდა და მათი ნაწილი ალბათ შენც მოგისმენია.

 

არსებობდა მოსაზრება, რომ ახალმა კანონდებლობამ Facebook რეკლამაში შეიძლება მნიშვნელოვნად ბევრი რამ შეზღუდოს. ფაქტია ისიც, რომ წლიდან წლამდე Facebook-ს რეკლამის განთავსებიდან მიღებული შემოსავლები სულ უფრო ეზრდებოდა. თუმცა, ამჯერად სიახლეები ნამდვილად არის და ქვემოთ ყველა შენთვის მნიშვნელოვან ინფორმაციაზე დეტალურად მოგიყვები.

სტატიის სარჩევი

რას შეცვლის iOS 14 Facebook რეკლამაში მარკეტერებისთვის?

გაიგე მეტი და დახვდი მომზადებული Facebook რეკლამაში მომხდარ ცვლილებებს

ერთ-ერთი მნიშვნელოვანი ცვლილება, კონვერიების ფეისბუქ რეკლამისა და Facebook pixel-ის გამოყენებას უკავშირდება. თუ შენი ბიზნესი არეკლამებს მობილურ აპლიკაციას ან ფეისბუქ რეკლამის საშუალებით მომხმარებელი ვებგვერდზე გადაგყავს, გაითვალისწინე:

 

Apple მოითხოვს, რომ App Store-ის ყველა აპლიკაციამ ios-ის მომხმარებლებს დაუსვას კითხვა: თანახმა ხარ თუ არა, კონკრეტულმა პლატფორმამ შენი სხვა ვებგვერდებსა და აპლიკაციაში ქცევის შესახებ მიიღოს ინფორმაცია?

 

ეს ფაქტი შეიძლება შენთვის უკვე შედარებით ნაცნობად ჟღერდეს, რადგან ვებგვერდების უმეტესობაზე GDPR მოთხოვნების შესაბამისად, უკვე აუცილებელია მომხმარებლის თანხმობა ე.წ. Cookies შეგროვებაზე. 

 

ამ ცვლილების ამოქმედებასთან ერთად, მნიშვნელოვანია სწორად გაიაზრო, რას შეცვლის არსებული ფაქტი შენთვის, როგორც Facebook-ზე რეკლამის განმთავსებლისთვის:

 

  • თუ მომხმარებლისგან არ გექნება თანხმობა მისი მონაცემების დამუშავებაზე, ბუნებრივია, მნიშვნელოვნად შემცირდება Facebook pixel-ის ეფექტურობა. ანუ, ვეღარ შეძლებ სრულფასოვანი რემარკეტინგის წარმოებას
  • გართულდება სამიზნე აუდიტორიისთვის ზუსტად მის ინტერესებზე მორგებული შეთავაზებების შემცველი რეკლამების ჩვენება
  • ზემოთ მოცემული ორი პუნქტი კი პირდაპირ გულისხმობს იმას, რომ ბევრად მეტი ბიუჯეტის დახარჯვა მოგიწევს სასურველი ოდენობის პროდუქტის გასაყიდად და სამიზნე აუდიტორიის მოსაძებნად

რა რეაგირება აქვს Facebook-ს iOS-ში შეტანილ ცვლილებებზე?

Facebook-ის გამოხმაურება Facebook რეკლამაში შეტანილ ცვლილებებზე

ბუნებრივია, Facebook-სთვის და მათი შემოსავლებისთვის ეს ცვლილება ძალიან საზიანო შეიძლება აღმოჩნდეს. აქვე არ უნდა დაგვავიწყდეს, რომ არსებობს როგორც Apple-ის, ისე Android-ის ოპერაციულ სისტემაზე მომუშავე მობილური ტელეფონები. თუმცა, შეგვიძლია თამამად ვთქვათ, რომ iOS-ის სისტემის მომხმარებლების რიცხვი ძალიან დიდია. 

 

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

Facebook ხაზს უსვამს იმასაც, რომ შეზღუდვები ძალიან შეუშლის ხელს მცირე ბიზნესების ზრდას, რომლებიც პროდუქტს მხოლოდ Facebook-ის რეკლამის გამოყენებით ყიდიან და ბუნებრივია, მათი სარეკლამო ბიუჯეტიც საკმაოდ შეზღუდულია.

 

თუმცა, ალბათ უკვე ყველასთვის ცნობილია ის ფაქტიც, რომ Facebook-ის შემოსავლების უდიდესი ნაწილი მცირე ბიზნესებზე მეტად, დიდ კოროპაციებზეა დამოკიდებული. ანუ, იმ შემთხვევაში თუ დიდი კორპორაციები რეკლამის განთავსებას მათ პლატფორმაზე შეწყვეტენ, Facebook-სთვის ეს ცვლილება შეიძლება დამღუპველიც კი აღმოჩნდეს. 

 

რა ცვლილებებს შეიტანს iOS 14 შენს Facebook რეკლამაში?

Facebook რეკლამაში შეტანილი ცვლილებების სია

1. დაგვიანებული ინფორმაცია და მონაცემები

როგორც წესი, აქამდე ედვერთაიზერებს ჰქონდათ საშუალება სხვადასხვა მონაცემისთვის თვალი ლაივ რეჟიმში ედევნებინათ. სამწუხაროდ, ეს ფუფუნება ios 14-ის დამსახურებით აღარ გექნება.

 

სავარაუდოდ, მინიმუმ 3 დღე იქნება საჭირო იმისათვის, რომ გადაამოწმო, რამდენად ეფექტურად იმუშავა შენ მიერ გაშვებულმა რეკლამამ.

 

2. ნაკლები წვდომა დეტალურ ინფორმაციაზე

ცვლილებების გამო, ასევე ვერ შეძლებ შენი სარეკლამო კამპანიების ჩაშლას (Breakdown) ისეთი მონაცემების მიხედვით, როგორებიცაა ასაკი, სქესი, რეგიონი და განთავსება.

 

3. მაქსიმუმ 8 Event-ის კონტროლი

რეკლამის გაშვებისას, თითოელ დომეინზე მაქსიმუმ 8 ივენთის მონიტორინგს შეძლებ. ასევე, მოგიწევს მათი პრიორიტეტების მიხედვით დალაგებაც. 

 

აქვე, მოგიყვები ივენთების პრიორიტეტებად დალაგების მუშაობის პრინციპზეც – მაგალითად განვიხილავ ონლაინ კომერციის ვებგვერდის შემთხვევას, რომელზეც უმთავრესია ისეთი ივენთების მონიტორინგი, როგორებიცაა ნივთის კალათში დამატება და შეძენა. როდესაც მომხმარებელი შემოვა ვებგვერდზე, დაამატებს ნივთს კალათაში და შემდეგ იყიდის მას, ფეისბუქის სარეკლამო  კამპანიის რეპორტში მხოლოდ ყიდვის ივენთი აისახება, რადგან მას უფრო მაღალი პრიორიტეტი აქვს, ვიდრე კალათაში დამატებას.

 

4. ატრიბუციის ფანჯარა – Default Attribution Window

უახლოეს მომავალში 28 დღიანი კლიკის და ნახვის, ასევე 7 დღიანი ნახვის ატრიბუციის ფანჯრები გაუქმდება (28-day click attribution windows, 28-day impressions, and 7-day impressions) და დარჩება მხოლოდ 7 დღიანი კლიკის და 1 დღიანი ნახვის ატრიბუციის რეპორტინგი. ეს ცვლილება გავლენას მოახდენს კონვერსიების რეპორტინგზე და ამ კონვერსიების შესაბამის კამპანიების ალოკაციაზე.

რა ცვლილებები უნდა შეიტანო შენს Facebook რეკლამაში შეზღუდვების საპასუხოდ?

1. მოახდინე შენი დომეინის ვერიფიკაცია

იმ შემთხვევაში, თუ შენი ვებგვერდისთვის იყენებ Facebook pixel-ს, აუცილებლად გადაამოწმე დომეინი და მოახდინე მისი ვერიფიკაცია.

2. შეარჩიე 8 ყველაზე რელევანტური ივენთი

Facebook უკვე ავტომატურად შეარჩევს იმ 8 ივენთს, რომელიც ყველაზე რელევანტურია შენი ბიზნესისთვის.

 

თუ ამ 8 ივენთის გარდა სხვა მონაცემებიც დაგაინტერესებს, სამწუხაროდ მათ გააქტიურებას და კამპანიისთვის გამოყენებას ვეღარ შეძლებ.

 

შერჩეული 8 ივენთის გარდა, დანარჩენების გადახედვა და დაპრიორიტეტება შეგიძლია Events manager-დან.

3. შეადარე ატრიბუციის მოდელები

ერთერთი მნიშვნელოვანი რამ რაც შეგიძლია გააკეთო, არის ატრიბუციის მოდელების შედარება. ნახე რომელი კონვერსიები ხდება 7 დღიან და 28 დღიან ფანჯარაში. ამის გაკეტება შეგიძლია Ads Manager-იდან აირჩიე სვეტები (Columns > Customize Columns > Window Comparison.
ატრიბუციის ფანჯრების შედარება, დაგეხმარება უკეთ გაიაზრო, ტუ რა ეფექტი ექნება ამ ცვლილებებს შენი შედეგების რეპორტინგზე.

როგორი იქნება Facebook-ის მომავალი?

ალბათ ძალიან ნაადრევი იქნება იმის თქმა, რომ Facebook ამ ცვლილების გამო პოპულარობას და დიდ აუდიტორიას დაკარგავს. გამოსავლის პოვნა ნებისმიერ შემთხვევაში შეიძლება და რა თქმა უნდა, არც ეს შემთხვევა იქნება გამონაკლისი. მთავარი, რაც წარსულმა გამოცდილებამ გვასწავლა არის ის, რომ ადამიანები, ისევე როგორც ბრენდები საკმაოდ მარტივად ადაპტირდებიან სიახლეებთან.

Categories
მარკეტინგი ციფრული მარკეტინგი

ციფრული მარკეტერი – რა იცი ამ პროფესიაზე?

ვინ არის ციფრული მარკეტინგის მენეჯერი?

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

პროფესია - ციფრული მარკეტერი

ბოლო რამდენიმე წელში ციფრული მარკეტინგის ინდუსტრიამ უამრავ ადამიანში დიდი ინტერესი გამოიწვია და ამავდროულად, საზოგადოებაში მრავალი კითხვაც გააჩინა. გაზრდილი ინტერესი მრავალმა სხვადასხვა ფაქტორმა განაპირობა. 

 

ალბათ ყველასთვის შესამჩნევია, რომ დამსაქმებლების მხრიდან მკვეთრად გაიზარდა მოთხოვნა ციფრული მარკეტინგის მენეჯერებზე, რადგან 21-ე საუკუნეში ინტერნეტ არხებით, განსაკუთრებით კი სოციალური მედია პლატფორმებით მომხმარებლებთან კომუნიკაცია ყველაზე ეფექტური კომუნიკაციის საშუალება გახდა ფაქტობრივად ყველა ბიზნესისთვის. აღსანიშნავია ისიც, რომ გამოცდილი ციფრული მარკეტერი არც თუ ისე მარტივია საპოვნელია, დეფიციტმა კი ამ პროფესიის ადამიანების ანაზღაურების ბუნებრივი ზრდა გამოიწვია.

 

დღეს გადავწყვიტეთ, ამ პროფესიასთან დაკავშირებით ყველა შენს კითხვას პასუხი გავცეთ და განვმარტოთ, ვინ არის ციფრული მარკეტინგის მენეჯერი, რა მოვალეობები ეკისრება მას და რა არის საჭირო იმისთვის, რომ ამ პროფესიაში წარმატებას მიაღწიო. 

სტატიის სარჩევი

რას აკეთებს ციფრული მარკეტერი?

ციფრული მარკეტერი არის ადამიანი, რომელიც პასუხისმგებელია მარკეტინგული კამპანიების შემუშავებაზე, განხორციელებასა და მართვაზე, რომლებიც მიმართულია კომპანიის და მისი პროდუქტების ან / და მომსახურებების რეკლამისკენ.

 

ციფრული მარკეტინგის მენეჯერი მნიშვნელოვან როლს ასრულებს ციფრულ არხებში ბრენდის ცნობადობის ამაღლებაში და პროდუქტის გაყიდვაში, ასევე ვებგვერდების ტრაფიკის მართვასა და ზრდაში,  ახალი მომხმარებლების მოზიდვასა და მათ შესახებ საჭირო ინფორმაციის მოპოვებაში.

 

ციფრული მარკეტინგის მენეჯერი ასევე პასუხისმგებელია ახალი ციფრული ტექნოლოგიებისა და  ვებგვერდის ანალიტიკის საშუალებებების გამოყენებაზე, მარკეტინგული კამპანიების უკეთესად ოპტიმიზაციის მიზნით. მისი მიზანია ეფექტურად გამოიყენოს სხვადასხვა ციფრული პლატფორმა, როგორებიცაა ელექტრონული ფოსტა, სოციალური მედია, საძიებო სისტემა და ა.შ.

რა უნდა ისწავლო, თუ გინდა, რომ ციფრული მარკეტერი გახდე?

ციფრული მარკეტინგი ერთ-ერთი ის მიმართულებაა, რომლის სასწავლად უნივერსიტეტში ჩაბარება და დიპლომის აღება სავალდებულო სულაც არ არის. დღეს, ამ და სხვა უამრავ დარგში განათლების მიღება სრულიად დამოუკიდებლად, მინიმალური დანახარჯებით შეგიძლია ონლაინ კურსებისა და სხვადასხვა წინგის საშუალებით.

 

თუმცა, რა თქმა უნდა, აქაც, ისევე როგორც სხვა ნებისმიერ ინდუსტრიაში წარმატების მისაღწევად, არანაკლებ დიდი ძალისხმევა, ინფორმაციის მოძიება და საკუთარ თავზე მუშაობა დაგჭირდება. 

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

თუ მარკეტინგის მიმართულებით ონლაინ წიგნებს ეძებ, წაიკითხე ჩვენი ბლოგი: ტოპ 5 ციფრული მარკეტინგის წიგნი. ხუთივე მათგანში ამ დარგში წარმატებული პროფესიონალები მკითხველს მათ გამოცდილებას და მიგნებებს უზიარებენ. 

 

რაც შეეხება ციფრული მარკეტინგის ონლაინ კურსებს, ამ მიმართულებით საქართველოში, ისევე როგორც საზღვარგარეთ საკმაოდ მრავალფეროვანი არჩევანია. თუ კონკრეტულად სოციალური მედია მარკეტინგის სწავლა და ამ მიმართულებით განვითარება გინდა, Digitalhub-ის ონლაინ კურსს შეგიძლია გადახედო.

 

მისი ტრენერი საქართველოში პირველი სრულად ციფრული ბანკი “სფეისის” ციფრული მარკეტინგის ხელმძღვანელი, ირაკლი ჩხეიძეა, რომელსაც ინდუსტრიაში მუშაობის უკვე 12 წლიანი გამოცდილება აქვს როგორც ადგილობრივ, ისე საერთაშორისო ბრენდებთან. 

რა უნარ-ჩვევები დაგჭირდება იმისთვის, რომ გახდე წარმატებული ციფრული მარკეტერი?

ციფრული მარკეტერი და მისი შესაძლებლობები

პირველ რიგში, მნიშვნელოვანია მაქსიმალურად განივითარო შენი ლიდერობისა და ადამიანებთან კომუნიკაციის უნარები, რადგან ფაქტობრივად ყოველდღიურად მოგიწევს შენს გუნდთან ურთიერთობა და მათთვის სწორი მითითებების, რჩევებისა და მიმართულებების მიცემა.  

 

ანალიტიკური უნარები ციფრული მარკეტინგის მენეჯერს მის მიერ გაწეული სამუშაოს სწორად შეფასებაში, მართებული დასკვნების გამოტანაში და მომავალი სტრატეგიის უკეთ დასახვაში აუცილებლად დაეხმარება. ყველა სოციალურ მედია პლატფორმას სხვადასხვა თავისებურება აქვს, მათი გააზრება და რეკლამის უამრავი დეტალის გათვალისწინებით გაშვება, რა თქმა უნდა, ანალიტიკურ უნარ-ჩვევებსაც საჭიროებს.

ციფრულ მარკეტინგში, ისევე როგორც ზოგადად მარკეტინგის ნებისმიერ მიმართულებაში არანაკლებ დიდ როლს თამაშობს წერის უნარები. თუ მარკეტერს არ შეუძლია საკუთარი აზრისა და სათქმელის ლაკონურად და ყველასთვის გასაგებ ენაზე ჩამოყალიბება, მისთვის ამ ინდუსტრიაში მუშაობა საკმაოდ რთული იქნება, რადგან მას მოუწევს არა მხოლოდ თანამშრომლებთან, არამედ მომხმარებლებთან პირდაპირ თუ ირიბად კომუნიკაციაც (ციფრული არხებით თუ სხვა საშუალებებით). 

 

კიდევ ერთი თვისება, რომელიც წარმატების მიღწევაში დაგეხმარება, სიახლეებთან ადაპტაცია და მისკენ მუდმივი სწრაფვაა. ციფრული მარკეტინგის მენეჯერის მოვალეობაა მუდმივად მოიძიოს ახალი პლატფორმები და არხები, რომლებიც უკეთესი შედეგების მიღების შესაძლებლობას მისცემს კომპანიას არა მხოლოდ ცნობადობის ზრის, არამედ პროდუქტის/სერვისის გაყიდვების მიმართულებითაც. 

 

თუმცა, რა თქმა უნდა, აქვე უნდა აღინიშნოს ისიც, რომ შეუძლებელია ამ ინდუსტრიაში შეცდომები არ დაუშვა. მათგან თავის ასარიდებლად შეგიძლია წაიკითხო ჩვენი ბლოგი, 5 შეცდომა, რომელსაც მარკეტერები უშვებენ Facebook-ზე რეკლამირებისას.

სად შეგიძლია ისწავლო ციფრული მარკეტინგი?

გახდი ციფრული მარკეტერი

ბოლოს, თუ ამ მიმართულებით საშენო ონლაინ კურსს ეძებ და გინდა, სიღრმისეულად შეისწავლო, როგორ გაუშვა რეკლამა სოციალურ მედიაში, მაშინ გაეცანი Digitalhub-ის ონლაინ კურსის კურიკულუმს, სადაც დეტალურ ინფორმაციას მიიღებ ირაკლი ჩხეიძის ვიდეო გაკვეთილების შესახებ. 

Categories
მარკეტინგი ციფრული მარკეტინგი

დიჯიტალ მარკეტინგი საქართველოში

დიჯიტალ მარკეტინგი საქართველოში

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

დიჯიტალ მარკეტინგი და მისი განვითარება საქართველოში

დიჯიტალ მარკეტინგი არის ინტერნეტ სივრცეში, კომპიუტერული ტექნოლოგიებით და მობილურის საშუალებით წარმოებული მარკეტინგული კომუნიკაცია. ციფრული მედიუმები, არხები, სტრატეგიები, პლატფორმები, საძიებო სისტემები –  ციფრული მარკეტინგი ყველა ამ თემას მოიცავს.

სტატიის სარჩევი

ვინ არის ციფრული მარკეტერი?

რას მოიცავს დიჯიტალ მარკეტინგი

დიჯიტალ მარკეტერი არის ადამიანი, რომელიც უზრუნველყოფს კომპანიის მიზნების მიღწევას ციფრული არხების საშუალებით. ციფრული მარკეტერი მუშაობს როგორც ბრენდის ცნობადობაზე, ისე – კონკრეტულ სამიზნე აუდიტორიაში პროდუქტის გაყიდვაზე.

 

მისი პასუხისმგებლობაა გამოიყენოს ყველა სახის ხელსაწყო, როგორც უფასო, ისე – ფასიანი. მაგალითად: სოციალური მედიის არხები, ელ.ფოსტა, საძიებო სისტემები, ბლოგები და ნიუსლეთერები, ვებ.გვერდი და ა.შ 

 

ბოლო პერიოდში, ციფრული მარკეტინგი საქართველოშიც ძალიან გაიზარდა. მარკეტინგის ამ მიმართულებას სწრაფადვე აუბეს ფეხი ქართულმა ბრენდებმა.

 

დღეს ქართული ბრენდების ციფრული შეხების წერტილები გაცილებით დახვეწილია, ვიდრე თუნდაც რამდენიმე წლის წინ იყო. ბრენდები ციფრულ არხებს არა მხოლოდ ბრენდის შესახებ ცნობადობის გასაზრდელად იყენებენ, არამედ ყიდიან კიდეც საკუთარ პროდუქტს.

 

სოციალური მედია მარკეტინგი ყველაზე ხშირად გამოყენებადი მიმართულებაა ციფრული მარკეტერებისთვის. სოციალური მედია, რომელსაც პრაქტიკაში გამოიყენებენ, მოიცავს ყველა ძირითად ტექნოლოგიურ გიგანტს: Facebook, Instagram, Youtube, Twitter, Linkedin. თუ გინდა ნახო სოციალური ქსელების ჩამონათვალი სრულად, ამ გვერდს ეწვიე.

რატომ უნდა ისწავლო დიჯიტალ მარკეტინგი?

დიჯიტალ მარკეტინგი და მისი პროფესიული უპირატესობები

სადიპლომო პროგრამები თუ სხვადასხვა კომპიუტერული კურსები ხშირად არ გაძლევს საშუალებას შენთვის სასურველი მიმართულება აირჩიო. ციფრული მარკეტინგი კი მათგან განსხვავებით, მრავალ მიმართულებას მოიცავს, სადაც შენს ინტერესებზე მორგებული არჩევანის გაკეთებას შეძლებ. 

მაგალითად, თუ SEO-ს ან SEM-ის შესწავლით ხარ დაინტერესებული, ჯობია გაითვალისწინო, რომ ეს მიმართულება კარგი ანალიტიკური და კვლევითი უნარების ქონას მოითხოვს. თუ სოციალური მედია მარკეტინგი ან კონტენტ მარკეტინგი გაინტერესებს, ამ შემთხვევაში უფრო შემოქმედებითი უნარები გამოგადგება.

ყველაფერთან ერთად, ციფრული მარკეტინგის სწავლა დისტანციურად, სახლიდან ან სხვა ნებისმიერი ადგილიდან შეგიძლია. მათ შორის, საქართველოშიც.

 

დიჯიტალ მარკეტინგის სწავლისას, ისიც უნდა გაითვალისწინო, რომ 2020 წელს გლობალურად ამ მიმართულებაზე მოთხოვნა 59% იყო, ხოლო მიწოდება 19%. ეს იმას გულისხმობს, რომ ციფრული მარკეტერები სამუშაო ბაზარზე საკმაოდ დეფიციტური კადრები არიან და დიდი შესაძლებლობებია მათთვის, ვისაც ამ სფეროში წარმატება სურს.

სად შეგიძლია ისწავლო დიჯიტალ მარკეტინგი?

ციფრული მარკეტინგის შესასწავლად არაერთი ონლაინ კურსი არსებობს. დიდი არჩევანია სოციალური მედია მარკეტინგის კურსებშიც, რომლებიც ონლაინ სწავლის საშუალებას იძლევიან.

 

მათ შორის არის digitahub-ის კურსი: რეკლამა სოციალურ მედიაში. კურსის ხელმძღვანელი ირაკლი ჩხეიძეა, სფეისის ციფრული მარკეტინგის ხელმძღვანელი. საინტერესოა, რომ სფეისი ციფრული ბანკია, რომელიც მხოლოდ შენს მობილურში არსებობს და მარკეტინგულ კომუნიკაციასაც უმთავრესად ციფრული არხების (Facebook Ads, Google Ads და ა.შ.) მეშვეობით ახორციელებს.

 

თუ გინდა, შენც გაიგო, როგორ გაუშვა რეკლამა სოციალურ მედიაში, გადახედე კურსის კურიკულუმს.

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

Categories
მარკეტინგი ციფრული მარკეტინგი

4 რჩევა – როგორ შეარჩიო ონლაინ კურსი

4 რჩევა - როგორ შეარჩიო ონლაინ კურსი