დიჯიტალ მარკეტინგის უპირატესობები

ციფრული მარკეტინგის ბლოგი

Share on facebook
Share on twitter
Share on linkedin
Share on whatsapp
Share on email

გააზიარე სტატია

დაიღალე გაურკვევლობით, რომელიც თან ახლავს შენს ყოველ ახალ მარკეტინგულ კამპანიას? თუ შენი პასუხი ამ კითხვაზე დადებითია, მაშინ დროა დაიწყო დიჯიტალ მარკეტინგში უფრო აქტიურად ინვესტირება.

დიჯიტალ მარკეტინგის უკვე გამოცდილი და ფუნდამენტური მიდგომების ცოდნა, დაგეხმარება მარკეტინგული კამპანიის სწორად და ეფექტურად დაგეგმვაში, რაც თავის მხრივ გაზრდის შენი ბიზნესის მარკეტინგული მიზნების მიღწევის ალბათობას.

როგორ?

გაეცანი დიჯიტალ მარკეტინგის უპირატესობებს და თავად გადაწყვიტე რამდენად ეფექტური იქნება მასში ინვესტიცია, შენი ბიზნესისთვის.

სტატიის სარჩევი

1. დიჯიტალ მარკეტინგის ბიუჯეტი - ეკონომიურად ეფექტური ინვესტიცია

 

დიჯიტალ მარკეტინგის ერთ-ერთი ყველაზე დიდი  უპირატესობა არის მისი ეკონომიურად ეფექტურობა. სწორად შედგენილი სტრატეგია დაგეხმარება დაზოგო ფული და ამავდროულად განაგრძო ღირებული ლიდების შეგროვება.

 

ტრადიციული მარკეტინგის მეთოდების გამოყენბისას, მცირე და საშუალო ბიზნესს ძალიან უჭირს დიდ ბიზნესებთან კონკურენცია, რადგან მათ აქვთ მეტი ფინანსური რესურსი და შესაბამისად მეტი საშუალება გამოჩნდნენ სხვდასხვა საკომუნიკაციო არხში.

დიჯიტალ მარკეტინგის შემთხვევაში იქნება ეს მცირე, საშალო თუ დიდი ბიზნესი, თითოეული მათგანი იწყებს კომუნიკაციას ერთი საფეხურიდან. ეს არის შედარებით ხელმისაწვდომი გზა შენი ბიზნესის სოციალური მედია რეკლამისთვის, რომ მოიზიდოს ღირებული ლიდები შედარებით ნაკლები ბიუჯეტით.

ფეისბუქ რეკლამის და სხვა ციფრული ინსტრუმენტების შემთხვევაში, გაქვს საშუალება გადაიხადო თითო კლიკის ფასი (PPC). არ აქვს მნიშვნელობა შენი ბიუჯეტი არის 500$ თუ 1000$, შეგიძლია შეადგინო რეკლამის ყოველდღიური ან გარკვეული პერიოდის ბიუჯეტი შენი ბიზნესის ფინანსური შესაძლებლობებიდან გამომდინარე.

რა თქმა უნდა, იმას თუ რა თანხას დახარჯავ კამპანიაზე ექნება კლიკების რაოდენობაზე და სხვა მეტრიკებზე გავლენა, ამიტომ არის მნიშვნელოვანი სწორი სტრატეგიის გაწერა და კამპანიის მსვლელობისას მუდმივი მონიტორინგი.

გაითვალისწინე, დიჯიტალ მარკეტინგის წარმატებული სტრატეგიის შესაქმნელად საჭიროა დრო, წარსულ გამოცდილებაზე დაკვირვება და ახალი მიდგომების ტესტირება.

path-digital-tR0jvlsmCuQ-unsplash

2. შესაძლებლობა გაზომო დიჯიტალ მარკეტინგის შედეგები

როდესაც ბიზნესი, მარკეტინგულ კამპანიაში დებს ინვესტიციას, მნიშვნელოვანია შეეძლოს მასზე დაკვირვება და შედეგების გაზომვა, რათა თავიდან აირიდოს ბიუჯეტის არამიზნობრივ და არაეფექტურ ხარჯვა.

ციფრული მარკეტინგის ინსტრუმენტები საშუალებას მოგცემს ყოველდღიურად დააკვირდე კამპანიის წარმატების საზომ მეტრიკებს და პროცესშივე შეიტანო მნიშვნელოვანი ცვლილებები.

ჩვენ არ ვუარყოფთ ტრადიციული მარკეტინგული მეთოდების ეფექტურობას, მაგრამ უნდა ვთქვათ, რომ დაკვირვების პროცესი ციფრული მარკეტინგის შემთხვევაში უფრო ზუსტი და ძალიან გამარტივებულია.

  არსებობს არა ერთი ინსტრუმენტი, რომელიც მოგაწვდის საჭირო ინფორმაციას და მოგცემს საშუალებას ეს ინფორმაცია ისევ გამოიყენო, შენ მომხმარებელთან მუდმივი კონტაქტის შესანარჩუნებლად.

 

ყველნაირი ტიპის კამპანიას აქვს თავისი ტრეკინგ სისტემა, იქნება ეს სოციალური მედია თუ საძიებო სისტემების ოპტიმიზაცია, შენ გექნება შესაძლებლობა თვალი ადევნო მიმდინარე შედეგებს .

შეარჩიე შენი ბიზნეს მიზნებისა და კამპანიის შესაბამისი მეტრიკები. დააკვირდი და გაანალიზე. ნახე რა მუშაობს, რა საჭიროებს გაუმჯობესებას და რა არის მთლიანად ჩასანაცვლებელი . დიჯიტალ მარკეტინგი გაძლევს შესაძლებლობას, ეს ყველაფერი დაინახო კამპანიის მსვლელობის პარალელურად და არა მას მერე, რაც კამპანია დასრულდება და ცვლილებები დაგვიანებული იქნება.

melanie-deziel-fSWQPBxqClg-unsplash

3. დიჯიტალ მარკეტინგი გაკავშირებს შენს მიზნობრივ აუდიტორიასთან

იმისთვის, რომ მარკეტინგული კამპანია იყოს ეფექტური, უნდა მიწვდე  შენი ბიზნესის მიზნობრივ აუდიტორიას.  ონლაინ მარკეტინგის ასევე ერთ-ერთი მნიშვნელოვანი უპირატესობაა, დაინტერესებულ ადამიანებთან მარტივად დაკავშირების შესაძლებლობა. დიჯიტალ მარკეტინგი გაძლევს საშუალებას მიწვდე მარკეტინგულ ფანელის ნებისმიერ საფეხურზე მყოფ მომხმარებელს, გაუკეთო მას შესაბამისი შეთავაზება და მიაწოდო საჭირო ინფორმაცია პროდუქტის შესახებ.

აუდიტორიები, რომლებსაც ინახავენ ციფრული მარკეტინგის ინსტრუმენტები არსად იკარგებიან, მათი გამოყენება შეგიძლია რეტარგეტინგის კამპანიისთვის. სწორედ ეს მიდგომა დაგეხმარება  შეინარჩუნო შენს მომხმარებელთან მუდმივი კონტაქტი და მოარგო მათ ბიზნეს შეთავაზებები.

თუ სარეკლამოდ გამოიყენებ ფეისბუქ რეკლამას, მაშინ შესაძლებლობა გექნება  თითო კამპანიას გაუწერო შესაბამისი აუდიტორიის ნიშნები, როგორებიცა: ასაკი, სქესი, ინტერესები, ჰობი, სამსახურეობრივი პოზიცია და ბევრი სხვა რამ.

გარკვეულ შემთხვევებში, ფართო აუდიტორიის ასეთი გაფილტვრა გეხმარება უფრო კონკრეტულ აუდიტორას მიწვდე და მეტად ეკონომიურად დახარჯო გაწერილი ბიუჯეტი, ასევე დატესტო სხვდასხვა პროდუქტი სხვდასხვა აუდიტორიაზე და იპოვო საუკეთესო კომბინაციები.

campaign-creators-8F4EX4Nw1yY-unsplash

4. დიჯიტალ მარკეტინგი - ‘’მომხმარებლის გზის’’ პირველივე ნაბიჯების ფეხდაფეხ

როცა მომხმარებლები იწყებენ კონკრეტული პროდუქტის ძიებას, მნიშვნელოვანია შენი ბრენდი გამოჩნდეს მათი გადაწყვეტიების მიღების პროცესის თავშივე და გამოირჩიეოდეს სხვა მსგავსი პროდუქტებისგან. დიჯიტალ მარკეტინგის უპირატესობა არის სწორედ ის, რომ  გაძლევს შესაძლებლობას მიწვდე მომხმარებელს როცა ის იმყოფება ფანელის პირველ ეტაპზე.

დროთა განმავლობაში მეტმა ადამიანმა დაიწყო ონლაინ სივრცეში სასურველი პროდუქტის ძიება, თუ შენ  გაქვს მათთვის საინტერესო პროდუქტი სწორედ ახლა არის დრო რომ ის ციფრული არხების საშუალებით მათ გააცნო.

პროდუქტის შეძენაზე ფიქრს მომხმარებლები იწყებენ ამ პროდუქტზე ინფორმაციის მოძიებით, ამიტომ მნიშვნელოვანია ისნი ისეთ ადგილას გადაამისამართო, სადაც ისინი ამ ინფორმაციის მიღებას  შეძლებენ და ამავდროულად შენი  ბიზნესის უპირატესობას გაეცნობიან.

ნუ შეგაშინებს თუ ლიდების დიდი ნაწილი პირველივე ნაბიჯზე არ დაკონვერტირდება. დასაწყისსისთვის მნიშვნელოვანია რომ მათ გაიგეს შენი პროდუქტის არსებობის შესახებ და ერთ-ერთ ვარიანტად აირჩიეს, ასეთი აუდიტორიის საბოლოო კონვერტაცია უფრო მარტივია მომდევნო ნაბიჯების სწორად დაგეგმვით.

გამოიწერე ციფრული ინდუსტრიის საიხლეები

ჩვენ ვაგზავნით, მხოლოდ თქვენთვის სასარგებლო ინფორმაციას

დაიწყე დიჯიტალ მარკეტინგის უპირატესობების გამოყენებ

დიჯიტალ მარკტინგში ინვესტიცია დაგეხმარება მოარგო შენი მარკეტინგული კამპანია პროდუქტს, მიწვდე სასურველ აუდიტორიას უფრო მარტივად. რაც მთავარია, დახარჯო გამოყოფილი ბიუჯეტი ისე, რომ შედეგების გაანალიზება დათვლა და გაზმოვა მეტად თვალსაჩინო და მარტივი გახდეს.

ციფრული მარკეტინგის ინსტრუმენტების შერჩევამდე, გადახედე შენს უკვე არსებულ არხებს.  გაანალიზე რა მუშაობს და რა  საჭიროებს გაუმჯობესებას და  შემდგომ შეარჩიე შენი ბიზნესისთვის ყველაზე რელევანტური სარეკლამო პლათფორმა.

თუ ხარ ანტრეპრენერი ან უბრალოდ გსურს უფრო ახლოს გაიცნო ციფრული მარკეტინგის სამყარო  დარეგისტრირდი ონლაინ კურსზერეკლამა, სოციალურ მედიაში და  დაიწყე სწავლის პროცესი.