გააზიარე სტატია
დღევანდელ დღეს, სოციალურ მედიაში, ბრენდები იბრძვიან ყურადღებისთვის. იქნება ეს ორგანული თუ ფასიანი რეკლამის საშუალებით, ჩართულობის მოპოვება ყოველწლიურად უფრო და უფრო რთული ხდება. RivalIQ– ს ბოლოდროინდელი მონაცემებით Facebook-ის ჩართულობის საშუალო მაჩვენებლი შეადგენს 0.09%-ს.
იმისთვის, რომ სოციალურ მედიაში, განთავსებულმა პოსტებმა მიიპყრონ მომხმარებელთა ყურადღება, მარკეტერების უმეტესობა ცდილობს მეტი დრო დაუთმოს დიზაინისა და ვიზუალური ნაწილის შემუშავებას. მაგრამ, ნუთუ შესაძლებელია, დღევანდელ ციფრულ სამყაროში, სადაც ყოველწამიერად იცვლება მიდგომა და წესები, მუდმივად ისეთი კონტენტის წარმოება, რომელიც არ ჩამოუვარდება მის წინამორბედს? ძალიან ხშირად სოციალურ მედია მარკეტერებს ასეთი ტემპის აყოლა უჭირთ: იწურება რესურსი, არასაკმარისი ხდება ძალისხმება ან უნარები და სწორედ ამ დროს იწყება მარტივი გზის ძიება.
ამ ბლოგში გაგაცნობთ 5 მარტივ გზას, თუ როგორ უნდა შექმნა ციფრული რეკლამა, რომელიც შეაჩერებს მომხმარებლის ყურადღებას და უბიძგებს მას არ აგსქროლოს, ასევე მოგიყვები რამდენიმე არადიზაინერებისთვის შექმნილ ინსტრუმენტზე, რომელიც დაგეხმარება შენი ბრენდისთვის შესაფერისი დიზაინის შექმნაში.
დაუმატე მინიმალისტური ანიმაცია შენს სტატიკურ ფოტოებს, შეგიძლია შეინახო ისინი GIF ან ვიდეო ფორმატში, სოციალური მედია არხის საჭიროებებიდან გამომდინარე. ასევე შეგიძლია ამოძრავებული ელემენტები დალუპო და ისინი შეუჩერებლად იმოძრავებენ განთავსებულ გვერდზე, ასქროლვისას კი აუცილებლად მიიპყრობენ ყურადღებას და შეაჩერებენ მომხმარებლის მზერას.
Motionleap ( ასევე ცნობილი, სახელით Pixaloop) არის აპლიკაცია, რომელიც დაგეხმარება სტატიკური ვიზუალების ანიმაციაში. ეს ინსტრუმენტი არის ძალიან მარტივი და სახალისო გამოსაყენებელი, მისი საშუალებით შეგიძლია დამატებით დააეფექტო ვიზუალი, შეუცვალო ფონი, დაუმატო სხვა ვიზუალური ელემენტები და კიდევ ბევრი და ბევრი რამ.
სოციალური მედიის სქროლვისას, ჩვენს ყურადღებას იპყრობს ისეთი ელემენტები, რომელთა მარტივად გარჩევა და აღქმა არის შესაძლებელი. ჩვენ წინასწარ ვხდებით რისი წაკითხვა გაგვიმარტივდება და რაზე არც კი დავკარგავთ დროს. ამიტომ მნიშვნელოვანია, ვიზუალში მარტივად გამოირჩეოდეს მთავარი მესიჯი, იყოს მოკლე და ძალიან კონკრეტული. ასევე მნიშვნელოვანია – მესიჯის კითხვის პროცესი, ტექსტის ანიმაციაში, მიდიოდეს ისე, როგორც ნორმალური კითხვის პროცესი მიმდინარეობს: მომხმარებელი თვალს აყოლებს, ხოლო ყოველი სიტყვის დამატებასთან ერთად იზრდება მისი ინტერესიც.
ესეც ასე, მაშინ, როდესაც სქროლვისას სტატიკური ფოტოსთვის შესაძლოა გულგრილად ჩაგვევლო, მცირედი ტექსტის ანიმაცია გვაიძულებს შევჩერდეთ და დავხარჯოთ მინიმალური რესურსი, მისი შინაარსის ბოლომდე აღსაქმელად.
Creatopy ( ასევე ცნობილი სახელით BannerSnack) გაძლევს საშუალებას შექმნა მინიმალისტური ვიდეოები ტექსტის, ფოტოებისა და ღილაკების გამოყენებით სოციალური მედია არხებისთვის. ასეთი ვიდეოს შექმნას დაჭირდება სულ რამდენიმე წუთი და ამავდროულად გექნება შესაძლებლობა გამოიყენო 1000-მდე მზა შაბლონი.
გამოიწერე ციფრული ინდუსტრიის საიხლეები
ჩვენ ვაგზავნით, მხოლოდ თქვენთვის სასარგებლო ინფორმაციას
500 მილიონზე მეტი ადამიანი, ყოველდღიურად, იყენებს ინსტაგრამის სთორის ფუნქციონალს. საინტერესოა, რომ ყველაზე ხშირად ნახვადი სთორების მესამედი ეკუთვნით ბიზნეს გვერდებს. სთორი გახდა არა მხოლოდ ინსტაგრამის ყველაზე პოპულარული ფორმატი, ის უკვე კარგად ადაპტირდა Facebook-ის პლათფორმაზე.
სთორი არის ძალიან კარგი გზა ბრენდისთვის, შეთავაზებების გასაზიარებლად. რატომ? სთორის ფორმატი აძლევს ბიზნეს საშუალებას ძალიან მარტივი, მოკლე და სახალისო ფორმით გადმოსცეს მთავარი სათქმელი და მომხმარებელთან კომუნიკაცია გახადოს მეტად პერსონალიზირებული და უშუალო. იმის და მიუხედავად, რომ სთორის ფორმატირება Instagram ან Fcaebook პლათფორმაზევე არის შესაძლებელი, დროთა განმავლობაში შეიქმნა ათობით აპლიაკცია, რომელებიც ეხმარებიან არადიზაინერებს, შექმნან ძალიან მაღალი ხარისხისა და ინდივიდუალისტური ვიზუალური სტილის მქონე სთორი კონტენტი.
Unfold არის აპლიკაციო IOS მომხმარებლებისთვის, რომელიც დაგეხმარება შექმნა მაღალი ჩართულობის მქონე სთორი ფორმატები. აპლიკაციის საშუალებით შეგიძლია დაამუშაო ფოტო, გამოიყენო ფილტრები, სტიკრები და შეარჩიო ფონტები.
Digiday კვლევის თანახმად Facebook და Instagram მომხმარებლების 85% სოციალურ მედიაში განთავსებულ ვიდეოს უყურებს ხმის გარეშე, შესაბამისად იმისთვის, რომ არ დაკარგოს ბრენდმა პოტენციური მომხმარებლები, საჭირო გახდა ინფორმაციის გავრცელების ალტერნატიული გზის ძიება. რა გზას დავადგეთ? ყველაზე მარტივი გამოსავალია ვიდეოზე სუბტიტრების დამატებაა. შესაძლოა ვიდეომ შეაჩეროს მომხმარებლები ასქროლვისგან, მაგრამ სწორედ ვიდეოზე განთავსებული ტექსტი მიიპყრობს ყურადღებას და უბიძგებს მათ შევიდენენ კონტენტთან ინტერაქციაში. სუბტიტრები მომხმარებელს ეხმარება სწრაფად გაერკვეს ვიდეოს შინაარსში და უყუროს მას ისეთ ადგილებშიც კი, სადაც ხმის ჩართვას ერიდება.
სიახლე არ არის, რომ სოციალური მედია პრიორიტეტს ანიჭებს ვიდეო ფორმატს, შესაბამისად ძალიან მოიმატა სხვადასხვა ციფრულ არხებში Live რეჟიმში კონტენტის წარმოებამ. მაგალითად, შეგიძლია Live-ში გასვლით: პირდაპირ დაუკავშირდე შენს მომხმარებელს, გააცნო ახალი პროდუქტი, გასცე მათ კითხვებს პასუხი, მისცე რჩევები და მოისმინო მათგან უკუკავშირი. ასეთი ფორმატი კარგია ღონისძიებებისა და ვებინარების გასაშუქებლად.
საინტერესოა, რომ Facebook მომხმარებლებისგან 4-ჯერ უფრო მოსალოდნელია, რომ ისინი ჩართავენ Live ვიდეოს და შევლენ მასთან ინტერაქციაში, ვიდრე უყურებენ წინასწარ გამზადებულ ვიდეო კონტენტს.
გამოსცადე Live ფორმატი. ეს არის უფასო ინსტრუმენტი, რომელიც დაახლოვებს შენს ბრენდსა და მომხმარებელს, გაზრდის ჩართულობას და გახდის ურთიერთობას მეტად სანდოს.
არ აქვს მნიშვნელობა გაქვს თუ არა გრაფიკული დიზაინის ნიჭი ან ვიდეოს შექმნისთვის აუცილებელი უნარები. დღეს, შენ შეგიძლია ასეულობით მზა შაბლონისა და ათეულობით ხელმისაწვდომი აპლიკაციის საშუალებით შექმნა მაღალი ხარისხის კონტენტი სოციალრუი მედია არხებისთვის. ციფრული რეკლამის შესაქმენლად გამოიყენე ბლოგში არსებული პატარა რჩევები და დაიწყე ვიზუალური სტრატეგიის შემუშავება.
თუ ეძებ გრაფიკული დიზაინის უფასო და ალტერნატიულ ინსტრუმენტებს გაეცანი ჩვენს ბლოგს გრაფიკული დიზაინის 5 პლათფორმა, დამწყები მარკეტერებისა და ანტრეპრენერთათვის.
თუ ხარ ანტრეპრენერი ან უბრალოდ გსურს უფრო ახლოს გაიცნო ციფრული მარკეტინგის სამყარო, დარეგისტრირდი ონლაინ კურსზე – რეკლამა, სოციალურ მედიაში და დაიწყე სწავლის პროცესი.
მობილური ვიდეო რეკლამა სოციალური მედიისთვის არის შესანიშნავი მიმართულება ისეთი კომპანიებისთვის, რომლებიც ფიქრობენ სარეკლამო სტრატეგიის გაუმჯობესებაზე. თუ დღევანდელ სოციალურ მედიას გადაავლებთ თვალს, ნახავთ, რომ ბიზნესების უმრავლესობა
სოციალური ქსელები ჩვენი ცხოვრების თითქმის ყველა ასპექტში იჭრებიან და აყალიბებენ ახალ ქცევებს, მოთხოვნილებებსა და როლებს. თუ არსებული მდგომარებით ვიმსჯელებთ, მომავალი სოციალურ მედიაშია, რაც ახალი
2022 წლის ტრენდები მოექცევიან ისეთი ფაქტორების გავლენის ქვეშ, როგორებიცაა პანდემია, ახალი ბიზნეს მოდელები, ტექნოლოგიური ცვლილებები და სხვა. წარმოუდგენელია ორწლიანი პანდემიის შემდგომ, არ ელოდო გარდაუვალ
შენს სოციალურ მედიაში განთავსებული სტატუსები მალევე ივსება კომენტარებით? შენი პოსტები იმდენად საინტერესოა, რომ ბევრ მოწონებას იმსახურებს ინსტაგრამის აუდიტორიისგან? ან იქნებ უბრალოდ გაინტერესებს როგორ ურტიერთობენ
ყველა უფლება დაცულია შპს. დიჯიტალჰაბი © 2020 irakli.digital@gmail.com | წესები და პირობები | კონფიდენციალურობის პოლიტიკა | იურ. მის: აბაშელის 7, თბილისი
ჯგუფური პაკეტის მოთხოვნა
დაგვიტოვეთ საკონტაქტო ინფრომაცია და ჩვენ დაგიკავშირდებით 24 საათის განმავლობაში.